झापाको झापा गाउँपालिका-४ स्थितबाट प्रतिबन्धित लागुऔषध ब्राउन सुगर सहित दुई जनालाई प्रहरीले पक्राउ गरेको छ ।
प्रहरी चौकी टाघनडब्बाबाट खटिएको प्रहरी गस्ती टोलीले भारतबाट नेपाल तर्फ आउदै गरेको को. २६ प ८१४० नम्बरको मोटरसाईकल रोकी चेकजाँच गर्ने क्रममा मोटरसाईकल चालक चुलाचुली गाउँपालिका-२ ईलामका २६ बर्षीय सुशिल आङदेम्बे र पछाडी सवार २६ बर्षीय सुरज लावती लिम्बुको साथबाट ८ ग्राम २ सय २० मिलिग्राम ब्राउन सुगर फेला परेसगै पक्राउ गरेको हो ।
थप अनुसन्धान भईरहेको प्रहरीले जनाएको छ ।
