काठमाडौं । नेपालमा कोरोना भाइरस (कोभिड १९) बाट थप एक व्यक्तिको मृत्यु भएको छ । यो सँगै नेपालमा कोरानाबाट मृत्यु हुनेहरूको संख्या दुई पुगेको छ ।
बाँकेको नरैनापुरको दीपेन्द्र मावि भोजभगवानपुरको क्वारेन्टाइनमा रहेका २५ वर्षीय पुरुषको कोरोना संक्रमणबाट मृत्यु भएको स्वास्थ्य तथा जनसंख्या मन्त्रालयले आइतबार दिउँसो पत्रकार सम्मेलन मार्फत पुष्टि गरेको छ ।
मृतक गत वैशाख ३० गते भारतबाट नेपाल आएका थिए । क्वारेन्टाइनमा बस्ने क्रममा स्वास प्रश्वासमा समस्या भएको थियो । उनको आइतबार बिहान करिब ७ बजे मृत्यु भएको हो ।
स्वास्थ्य मन्त्रालयका प्रवक्ता विकास देवकोटाका अनुसार मृतकको स्वाब परीक्षणको रिपोर्ट पोजेटिभ आएको छ।
शनिबार मात्र कोरोना भाइरसको संक्रमणबाट नेपालमा एक सुत्केरी महिलानको मृत्यु भएको पुष्टि भएको थियो ।
