रामधुनी । सनराइज बैंकले सुनसरीको रामधुनी झुम्कामा मासु उत्पादनका लागि पशुपालन सम्बन्धि तालिम तथा वित्तिय साक्षरता कार्यक्रम सम्पन्न गरेको छ ।
बैंकले सामाजिक उत्तरदायित्व अन्तर्गत गत १ गतेदेखि २ दिने तालिम तथा वित्तीय साक्षरता कार्यक्रम गरेको हो ।
स्थानीय तहमा सुुहाउँदो कृषि व्यवसाय सम्बन्धि तालिम स्थानीय व्यक्तिहरुलाई प्रदान गरेर उनीहरुको आम्दानी वृद्घिमा मद्दत गर्ने र व्यवसायमा आवश्यक पर्ने बैंकिङ्ग ज्ञान प्रदान गर्ने उद्देश्यका साथ तालिम गरिएको बैंकले जनाएको छ ।
बैंकको कोसी प्रदेश प्रमुख विनोद गजुरेल र बैंकका अन्य पदाधिकारीहरुको उपस्थितिमा उक्त कार्यक्रम गरिएको थियो । २ दिने कार्यक्रमको प्रशिक्षण डा. नागेन्द्र बहादुर दाहाल र श्री सबिन खतिवडाले गरेका थिए । कार्यक्रम विशेषगरी बाख्रा, बङ्गुर र कुखुरा पालनमा केन्द्रित सिपमुलक तालिम दिइएको आयोजकले जनाएको छ ।
तालिममा ३१ जना सहभागी रहेका थिए । सन्राइज बैंकले यस्ता सीपमुलक तालिम सातै प्रदेशमा गर्दै आएको छ ।
