इटहरी । इकोनोमिक मिडिया एशोसिएसन नेपाल (इमान)ले आफ्नो प्रदेश समिति विस्तार गरेको छ । सञ्जीव वाग्लेको अध्यक्षतामा कोशी प्रदेशमा इमानले आफ्नो पहिलो प्रदेश कमिटि गठन गरेको हो ।
सोमबार भएको कोशी प्रदेशका सञ्चारकर्मीहरुको भेलाले वाग्लेको नेतृत्वमा १३ सदस्यीय समिति बनाएको हो । समितिको उपाध्यक्षमा टिका खतिवडा र चीना थापा, प्रमुख सचिवमा सुरेन्द्र भण्डारी, कोषाध्यक्षमा हिमाल दाहाल, सह कोषाध्यक्षमा दिपक कट्वाल चयन भएका छन् ।
यसैगरी भेलाले सदस्यमा दमन राई, भीम चापागाईँ, मदन गौतम, गणेश साम्पाङ, होमबहादुर बस्नेत र योगेशबाबु काफ्लेलाई चयन गरेको छ ।
भेलामा इमानका केन्द्रिय अध्यक्ष रोयल आचार्य, उपाध्यक्ष डिल्लीप्रसाद सापकोटा, महासचिव रामेश्वर कार्की, सचिव प्रकाश अर्यालको उपस्थिती थियो । सम्बोधन गर्दै अध्यक्ष आचार्यले मिडियाहरुको विकास र त्यसका लागि स्थानीय स्रोत साधनको परिचालनलाई आफूहरुले प्राथमिकता दिएको बताए । आर्थिक विषयलाई प्रधानता दिएका सञ्चारमाध्यमहरुको संगठनको रुपमा इमानको स्थसमेटेर इमानको गठन गरिएको बताउँदै सञ्चार क्षेत्रको विकासको लागि सबैसँग हातेमालो गर्ने बताए ।
यस्तै महासचिव कार्कीले इमानको प्रदेश समितिले स्वायत्त तरिकाले काम गर्ने र धेरैभन्दा धेरै सञ्चारसंस्थालाई समेट्न सुझाव दिए । उपाध्यक्ष सापकोटाले मिडियाहरु सक्षम भए भने त्यसले लोकतन्त्रको समेत सुदृढिकरण गर्ने बताए । प्रदेश समितिले प्रदेशभरीका मिडियाहरुको विकासको लागि चाँडै योजनाबद्ध काम गर्ने प्रदेश अध्यक्ष वाग्लेले बताए ।
