सुनसरी । बराहक्षेत्र नगरपालिका ५ सिमरबनमा रहेको जनजागृती सामुदायिक वन उपभोक्त समुहको २६औं साधारणसभा सम्पन्न गरेको छ ।
आइतबार आफ्नै संस्थाको प्रांगणमा आयोजित सभामा समुहका सचिव गणेश बिष्टले आर्थिक प्रतिवेदन प्रस्तुत गरेका थिए । उक्त प्रतिवेदनमा आय तर्फ ४१ लाख ६७ हजार ३ सय ६१, व्ययतर्फ ४८ लाख ९१ हजार ८ सय १२ रुपैयाँ र ७ लाख ४ सय ५१ घाटा रकम रहेको उल्लेख छ ।
समूहले अगाडिका वर्षको लागि अनुमानित बजेट तय गरेको समेत विष्टले बताए । जसमा समुहको आन्तरिक स्रोत बाट २६ लाख ९० हजार र संघीय सरकारबाट २० लाख, प्रदेश सरकारबाट ३५ लाख, स्थानीय निकाय बाट ५० लाख र डिभिजन वन कार्यालय सुनसरीबाट ५० लाख गरि १ करोड ५५ लाख रुपैयाँको अनुमानित बजेट तयार गरेको अध्यक्ष खड्कबहादुर कार्कीले बताए ।
उनले अनुमानित आम्दानी १ करोड ८१ लाख ९० हजार रहेकोर त्यसबाट जडिबुटी भवन निर्माण गर्ने, बोर्डिङ गाड्न्र लगायत आधा दर्जन भन्दा बढी योजनाका लागि बजेट छुटाएको बताए । खर्च तर्फ १ करोड ८१ लाख ९० हजारमध्ये ६ लाख ९० हजार पुरानो ऋण चुक्ता गर्ने र सबै योजना पुरा गरि समुहमा ८१ हजार रुपैयाँ बचत रहने समेत बताए ।
उक्त समूह अहिले जडिबुटी खेती तिर आकर्षक भएको र जडिबुटीलाई प्रशोधन गर्ने मेसिन खरिद गर्ने सिचाइँ गर्ने महत्वकान्छी योजना रहेको कार्कीले बताए । कार्कीको सभापतित्व रहेको कार्यक्रममा नडाहा सब डिभिजन कार्यालयका प्रमुख सत्यनारायण खङ्गको प्रमुख आतिथ्यता, विभिन्न पार्टीका प्रतिनिधित्व लगायत उपभोक्त हरुको बाक्लो उपस्थित थिए ।
