सुनसरी । बराहक्षेत्रमा हुने जागृत रजत महोत्सवमा काठमाडौंबाट द एक्स ब्यान्डले प्रस्तुति दिने भएका छन् । सो महोत्सव कात्तिक ६ गते साँझ ६ बजेदेखि जागृत चोकमा आयोजना हुने छ ।
महोत्सवमा द एक्स ब्यान्डका साथै चतरा कुल डिर्जट ब्यान्ड , र्यापर सुमिन दाहाल, गोर्खाली टि.एस.लेस्स र लेडिज र्यापर कृस्ना खवास, विवोइङ, चतरेली डान्स, स्थानीय कलाकार सुबिव श्रेष्ठ, बराहक्षेत्र १ र २ मा रहेका निजि तथा सामुदायिक बिद्यालयका विद्यार्थीहरुको लगायत अन्य राष्ट्रिय तथा स्थानीय कलाकारहरुको प्रस्तुति रहने आयोजक जागृत युवा समाज जनाएको छ ।
बराहक्षेत्र २ साविक बराहक्षेत्र गा.बि. वाड नं. ४ मा रहेको पूर्व धरान जाने बाटो, पश्चिम सिंचाइ गेट जाने बाटो,उक्तर बयरबन बजार चतरा हुदै प्रसिद्ध बराहक्षेत्र मन्दिर जाने बाटो, दक्षिण आर्दश उच्च बिधालय तथा बराह आदर्श क्याम्पस जाने बाटो पर्ने बीच चौकको नाम हो ‘जागृत चौक’ । जसको नामकरण गरेको २५ वर्ष पुरा गरेको उपलक्ष्यमा ‘रजत महोत्सव’ आयोजना हुने भएको छ ।
२०५१ साल कात्तिक ६ गते स्थानीय युवाहरुले चोकलाई जागृत नामकरण गरेको २५ वर्ष पुगेको अवसरमा सांगीतिक कार्यक्रम गरि रजत महोत्सव आयोजना गर्ने पत्रकार भेटघाट कार्यक्रम गरि संयोजक रोशन श्रेष्ठले बताए ।
महोत्सवले हरेक वर्ष निरन्तरता पाउने कार्यक्रम संयोजक रोशन श्रेष्ठले बताए । करिब ४ लाख रुपैयाँ खर्च अनुमान गरिएको सो कार्यक्रमका लागि स्थानीयहरुबाट सहयोग समेत जुटिरहेको श्रेष्ठले बताए । जागृती चौकमा घर भइ हाल वैदेशिक रोजगारीका लागि विभिन्न देश गएकाहरुले महोत्सव सफल बनाउन सहयोग गरिरहेको श्रेष्ठको भनाइ छ । उनका अनुसार स्थानीयहरुले पनि सहयोग गरिरहेको र प्रायोजकको लागि समेत छलफल भइरहेको छ ।
यस अघि जागृतीका युवाहरुले विभिन्न सामाजिक कार्य गर्दै आइरहेको छ । सरसफार्इ, ज्ञानकुञ्ज पुस्तकालय स्थापनालगायतका कार्यक्रम गर्दै आएको जागृत युवा समाजले स्वास्थ्य समाज निर्माणका लागि कार्यक्रम आयोजनाको परिकल्पना गरिएको श्रेष्ठले बताए । पत्रकार सम्मेलमा जागृत चोक भनेर नाम जुराउने स्थानीय पुप्पदिप पौडेलले चोकको नामकरणको चर्चा गरेका थिए ।
पत्रकार सम्मेलनमा स्थानीय जागृत समुहका सल्लाहकार रजित दाहाल, बराहक्षेत्र फुटबल क्लबका अध्यक्ष चन्द्रबहादुर मगर (अनिल), आदर्स माबिका सह–प्राध्यापक ज्ञानबहादुर पाण्डे, बराह राईजिङ्ग इङलिस स्कुलका पिन्सिपल बिजय राई लगाएत स्थानीयको उपतिथि रहेको थियो।
अहिलेसम्म करिब २ लाख रुपैयाँ संकलन भएको आयोजकले जनाएको छ ।
