गायक तथा संगीतकार देवेन्द्र बब्लुको मायाले नि के के गर्च गर्च बोलको नयँ गीत सार्वजनिक भएको छ ।
गीतमा बब्लुसँग एलिना चौहानले स्वर दिएकी छन् । गीतको भिडियो शुक्रबार युुटुबमार्फत सार्वजनिक गरिएको हो ।
सार्वजनिक गीतको भिडियोमा गायक बब्लुसँगै रोशनी कार्की र प्रकाश घिमिरे फिचर्ड छन् । गायक बब्लुकै कन्सेप्टमा तयार भएको भिडियोमा माओवादी द्वन्द्वकालमा ुकमरेडुहरूबीच हुने प्रेमलाई देखाइएको छ ।
भिडियोमा बब्लु र रोशनी प्रेमी प्रेमिका बनेका छन् । माओवादीमा नै हिँडेको समयमा उनीहरूबीच भएको प्रेम र विवाहलाई भिडियोमा समेटिएको छ । भिडियोको अन्त्यमा युद्ध चल्दा बब्लुले आफ्नो श्रीमती रोशनीलाई गुमाउनु परेको देखाइएको छ ।
विशाल घिमिरेको निर्देशनमा तयार भएको भिडियोलाई अनिल के मानन्धरले खिचेका हुन् भने भिडियोको सम्पादन तथा कलर प्रविण भट्टले गरेका छन् ।
बब्लुको यस अघि सार्वजनिक गीत म हाँसे हाँस्छ्यौ र ? बोलको गीतलाई दर्शकहरुले निकै रुचाएका थिए ।
