मेरो गाउँमा के छैन ? सबथोक छ।
बिजुलीको पोल छ, तार छ तर, बेलाबेला बिजुली गइरहन्छ।
हरीयाली छ, जङ्गल छ
भ्यूटावर पानी ट्याङ्की’ छ, जसमा पानी छैन ।
सबैमा समृद्धि सोच छ,
रोड छ तर, विकास छैन।
मध्य तराईको ठाउँमा मेरो गाउँ छ, यहाँ सबथोक छ।
खोला छ, खोलामा झोलुङ्गे पुल पनि छ।
आपत् पर्दा पुल जाम छ, जोखिम छ।
वर्षेनी खोलामा बाढी आउँदा खेत बगाउँछ, गाउँ जोखिममा पर्छ।
स्थानीय सरकार छ,
चिल्लो गाडीमा हिलो छ्याप्दै आउँछन्, अनि हेरेर फर्किन्छन्
प्रक्रिया हुँदैछ भन्छन्, हेर्छन् अनि ट्वाँ पार्छन् ।
वर्षेनी बजेट छुटिँदा स्थानीय सरकार रमाँउछ।
अब गर्छौं विकास भन्छ ।
संरचना बनाउँछु, बाटो बनाउँछु, पुल बनाउँछु, पर्यटन आउने स्थल बनाउछु भन्छ।
जनता खाली खुट्टा हिँड्छन, भोक भोकै काम गर्छन् ।
घरमा चुहिने छानो छ, भोको पेट छ, ज्ञान पनि छ।
आफु बन्न तल्लिन छ ।
सबैमा समृद्धि सोच छ,
रोड छ तर विकास छैन।
- दयाराम कटेल
