रामधुनी । सुनसरीको क्षेत्र नं. २ को प्रदेशसभा (क) मा नेकपा एमालेका सुनसरी जिल्ला कमिटीका अध्यक्ष तथा उम्मेद्वार रेवतीरमण भण्डारी विजयी भएका छन् ।
इटहरी उपमहानगरपालिकाका पूर्व मेयर तथा लोकतान्त्रीक बाम गठबन्धनको तर्फबाट माओवादी केन्द्रका प्रदेश सभा सदस्यका उम्मेद्वार द्वारिकलाल चौधरीलाई पराजित गर्दै भण्डारी विजयी भएका हुन् । भण्डारी नेकपा एमाले सुनसरीका अध्यक्ष समेत रहेका छन् ।
चौधरीले ११ हजार ८ सय ४५ मत प्राप्त गर्दा २ हजार ६ सय ८३ मतान्तर राख्दै भण्डारीले १४ हजार ५ सय २८ मत प्राप्त गरे ।
यस्तै, राप्रपाका मोहनबहादुर खत्रीले ९ हजार ३ सय २२ मत प्राप्त गरेभने कांग्रेसबाट असन्तुष्ट हुँदै स्वतन्त्र बागी उम्मेदवारी दीपेन्द्र घिमिरेले ३ हजार २ सय ०८ मत प्राप्त गरे ।
त्यस्तै सोही क्षेत्रबाट प्रतिनिधिसभा तर्फका उम्मेद्वार रहेका कांग्रसका सिताराम मेहेतालाई २ हजार ९ सय ६२ मतान्तरका साथ आचार्य अग्रता कायम राखेका छन् ।
