रामधुनी । एतिहासिक तथा महान पर्वका रुपमा रहेको विवाह पञ्चमीको अवसरमा रामधुनी नगरपालिकाले सार्वजनिक विदा दिएको छ ।
एतिहासिक तथा धार्मिक स्थल रामधुनी मन्दिरबाट नगरपालिकाको नामाकरण गरिएको हुनाले तथा यसलाई नगरबासी लगायत विभिन्न देशका साधुहरु आएर भगवान राम र सिताको सम्झनामा दर्शन गर्नजाने भएकाले विदा दिइएको सुचना अधिकृत बसन्त मोतेले जानकारी दिए ।
उनका अनुसार रामधुनी मन्दिर नेपालका तथा नगरपालिकाको प्रमुख धरोहर जहाँ हरेक बर्ष रामसिता बनबासको समयमा रामधुनी मन्दिर नामाकरण भएको तथा सोही क्षेत्रको इतिहास जोगाउदै पर्यटन पर्वधन गर्न बिदा दिइएको बताए ।
द्वापर यगमा भगवान रामले १६ बर्षको बनबासके क्रममा रामधुनी आएको र धुनी बालेको जुन अझैपनि उज्वलन भैरहेको हुनाले रामधुनी मन्दिर नामाकरण भएको किम्बदन्ती रहेको छ ।
त्यसकारण उनै भगवान रामसिताको विवाह भएको सम्झनामा मेला लाग्ने तथा विभिन्न सांस्कृतिक कार्यक्रम, मेला आयोजना गरिने गरेको धार्मिक विश्वास रहदै आएको छ ।
त्यस्तै आन्तरिक तथा बाहिरी पर्यटकलाई आकर्षण गर्दै विभिन्न किसिमका कार्य गर्दै पर्यटकको आगमनलाई बृद्धी गर्ने उद्देश्यका साथ विवाह पञ्चमीमा उक्त धुनी तापेर त्यसको खरानी लगाएमा दुःख दरिद्र तथा परिवारमा सुखशान्ति छाउने धार्मिक विश्वास रहेको छ ।
उक्त विदा अवधिमा रामधुनी नगरपालिका अन्तर्गत रहेका सम्पूर्ण नगर कार्यपालिकाको कार्यालय, वडा कार्यालय लगायत शैक्षिक संस्था एवम स्वास्थ्य संस्थाहरु बन्द रहने सुचनामा उल्लेख छ । साथै उक्त विदाबाट हुनजाने असुबिधाप्रति नगरपालिकाले क्षम व्यक्त गरेको छ ।
