सुनसरी । रामधुनी नगरपालिकाले नगर अस्पताल निर्माण कार्य सुचारु भएको छ ।
गत आर्थिक बर्षमा नेपाल सरकारबाट एक पालिका एक अस्पताल निर्माण योजना बमोजिम ठेक्का सम्झौता भएतापनि ठेकेदारबाट भएको ढिला सुस्तीका कारण रोकिएको नगर अस्पताल निर्माण कार्य सुरु भएको छ ।
रामधुनी नगरपालिकाको बकलौरीमा अवस्थित बकलौरी स्वास्थ्य चौकीलाई १५ सैयाको नगर अस्पतालमा स्तरोन्नती कार्य सुरु भएको रामधुनी नगरपालिकाका स्वास्थ्य शाखा इन्चार्ज नगेन्द्र पौडेलले जानकारी दिएका छन् ।
उनका अनुसार नगरपालिकाले एक बर्ष अगाडी अस्थाई स्वास्थ्य चौकीलाई नगरपालिकाको अस्पतालका रुपमा स्तरोन्नती गर्दै सञ्चालनमा ल्याउने स्वास्थ्य मन्त्रालयको योजनालाई कार्यान्वयन गर्दै ठेक्का दिएतापनि ठेकेदारको ढिला सुस्तीका कारण बन्द भएको उक्त कार्य सञ्चालन गरिएको जानकारी दिए ।
खबरबिटसंग कुराकानी गर्दै स्वास्थ्य इन्चार्ज पौडेलले भने, “हामीलाई स्वास्थ्य मन्त्रालयको निर्देशन अनुसार एक पालिका एक अस्पताल योजना कार्यान्वयन गर्यो तर ठेक्का लागे पश्चिात ठेकेदारको कार्यमा भएको ढिला सुस्तीका कारण काम रोकिएका थियो । अहिले त्यही कार्य हुँदौ छ ।”
साथै भौतिक पुर्वाधार निमार्णको कार्य समापन हुना साथ स्वास्थ्य चौकीलाई अस्पतालका रुपमा सञ्चालनमा ल्याउने जानकारी दिए ।
“हामी भौतिक निर्माणको प्रतिक्षामा थियौ । अब यसको कार्य सुरु भै सकेको छ । पुर्वाधार निर्माणको कार्य समापन हुनासाथ नगरपालिकाले कार्य सुरु गर्छ ।” उनले भने, “अस्पतालमा आवश्यक जनशक्ति व्यवस्थापन, स्वास्थ्य उपकरण जडानका कार्यहरु सञ्चालन गर्ने र जतिसक्दो चाडो नगर अस्पतालका रुपमा सञ्चालनमा ल्याउने नगरपालिकाको योजना छ । ”
निर्माणधिन अस्पताल विशेषज्ञ डाक्टरका साथ एक्सरे, ल्याब, ओ.पि.डी.लगायतका सेवाहरुका साथमा सञ्चालनमा आउने कार्य योजना रहेको स्वास्थ्य इन्चार्ज पौडेलले जानकारी दिए ।
