सुनसरी । रामधुनी नगरपालिका वडा नं. ८ मा रहेको दुई वटा सामुदायिक विद्यालयमा अध्यनरत विद्यार्थीहरुलाई वडा कार्यालयले पोशाक वितरण गरिएको छ ।
सेहर आधारभुत विद्यालय र ठुले मोहोर विद्यालय गरी दुईवटा विद्यालयमा विद्यार्थीहरुलाई विद्यालय पोशाक वितरण गरिएको वडाध्यक्ष सुरेन्द्र सिंह खवासले जानकारी दिए ।
सेहर आधारभूत विद्यालयका १०० तथा ठुले मोहोर विद्यालयका ७१ गरी १७१ जना विद्यार्थीहरुलाई वडाध्यक्ष खवासको हातबाट विद्यालय पोशाक वितरण गरिएको वडा नं. ८ को कार्यालयले जनाएको छ ।
चालु आर्थिक बर्ष २०७९/०८० को बार्षिक योजना अनुसार नै पोशाक वितरण गरिएको खबरबिटसंग कुराकानी गर्दै वडाध्यक्ष खवासले जानकारी दिए । उनका अनुसार वडामा रहेका २ समुदायिक विद्यालयलाई पोशाक वितरण कार्य हरेक बर्ष गर्दै जाने र जसबाट विद्यालय अध्यनरत बालबालिकालाई विद्यालयमा शिक्षा आर्जनका लागि सहयोग पुग्ने विश्वासका साथ वितरण गरिएको बताए ।
