सुनसरी । विश्वभरी महामारीका रुपमा फैलिएको कोभिड–१९ विरुद्धको दोस्रो मात्राको खोप मंगलबार लगाएने भएको छ ।
नेपाल सरकार स्वास्थ्य तथा जनसंख्या मन्त्रालय, परिवार कल्याण महाशाखाको निर्णय एवम् स्वास्थ्य कार्यालय सुनसरीको गत पौस २८ गतेको पत्रानुसार उक्त खेप लगाउन लागिएको रामधुनी नगरपालिकाको सुचनामा उल्लेख छ ।
५ बर्ष भन्दा माथि र १२ बर्षसम्मका दोस्रो मात्राको खोप लगाउन छुटका बालबालिकाहरुलाई फाइजर बायाएनटेक खोप लगाउने लागिएको नगरपालिका स्रोतले जनाएको छ ।
रामधुनीमा उक्त खोप कार्यक्रम माघ ११ गते मंगलबार देखि माघ १३ गते बिहीबार गरी तिन दिनसम्म सञ्चालन गरिने जनाएको छ ।
नगरपालिकाले प्रकाशन गरेको सुचनामा खोप लगाइने स्थानका रुपमा भासी स्वास्थ्य चौकी, रामधुनी–१, सिंगिया स्वास्थ्य चौकी रामधुनी–३, बकलौरी स्वास्थ्य चौकी रामधुनी–६ र डुम्राहा स्वास्थ्य चौकी गरी चारवटा स्वास्थ्य चौकीलाई खोपकेन्द्र तोकेको छ ।
उक्त खोप केन्द्रमा विहान ११ बजेदेखि दिउसोको ३ बजेसम्म यस अघि फाइजर खोपको दोस्रो मात्रा लगाउन छुटका बालबालिकाहरुलाई प्रधान गरिने सुचनामा उल्लेख छ ।
साथै खोप लगाउन आउदा आफ्नो अघिल्लो खोप कार्ड अनिवार्य लिएर उपस्थित हुन बताइएको छ ।
नगरपालिकाकाे सुचना :-
