सुनसरीको बर्जु गाउँपालिका-३ अमडुवाबाट पेस्तोल र लागुऔषध सहित २ जनालाई प्रहरीले पक्राउ गरेको छ ।
बिशेष सूचनाको आधारमा १ नं प्रदेश प्रहरी कार्यालय विराटनगरको अनुसन्धान समुह तथा ईलाका प्रहरी कार्यालय दुहवीबाट खटिएको प्रहरी टोलीले आइतबार बिहान ७ बजे मोरङको सुन्दरहरैचा नगरपालिका- ५ मगर टोल बस्ने बर्ष २७ को करण कुमार चौधरी र बर्ष २१ को प्रकाश चौधरीलाई पक्राउ गरेको हो ।
प्रहरीले उनीहरुको साथबाट मेड इन युएसए ७.६३ लेखिएको पेस्तोल थान -१, सोही पेस्तोलको म्याग्जिन थान -२ गोली राउण्ड थान-३ थान, लागु औषध फेनारगन ३५ एम्पुल, लुपिजेसिक ३५ एम्पुल, एभिल ३५ एम्पुल, डाईजेल्याव ३५ एम्पुल र लाइफलाइन लेखिएको ५ एमएलको सिरिन्ज थान-१ समेत बरामद गरेको छ ।
हतियार र लागुऔषध सहित पक्राउ परेका दुवैजनाको सम्बन्धमा थप अनुसन्धान भईरहेको जिल्ला प्रहरी कार्यालय सुनसरीले जनाएको छ ।
