सुनसरी । स्थानीय चुनावपछि स्थानीय स्तरमा अहिले जताततै विकास निर्माणको काम तीव्र भइरहेको छ । विभिन्न ठाउँमा उदाहरणीय कामसमेत भएको छ भने कतिपय ठाउँका विकास निर्माण कार्य सुस्त र गुणस्तरहीन भइरहेको छ ।
सुनसरीको बराहक्षेत्र नगरपालिकामा आर्थिक वर्ष २०७/७७ का लागि बिनियोजित बजेटबाट बराहक्षेत्रको ११ वडामा धमाधम विकास निर्माणकार्यले तीव्रता पाएको छ । वडा तथा नगरको बजेटमा ग्राबेल बाटो, पुल, ड्रेनलगायत अन्य भौतिक संरचनाहरु निर्माण भइरहेको छ ।
निर्माणाधिन काममा नगरपालिकाले चासोका साथ हेर्न थालेको छ । विकास निर्माण कार्यमा लापरबाही ढङ्गले कमसल सामाग्री प्रयोग गरेको र काम गर्दा नगरपालिकाको प्राविधिकले निकालेको स्टेटमेन्ट विपरित काम गरेको भन्दै नगरले अनुगमसहित कडाई गरेको निमित्त प्रमुख प्रशासकीय अधिकृत मनु कुमार लिम्बूले बताए ।
वडा नगरको बजेटबाट विकासको काम हुँदा नगरके स्टिमेट अनुसार भएको छैन भने उक्त निर्माण समितिको बजेट रोक्का हुने समेत उनले बताए ।
बराहक्षेत्र नगरपालिकाले उपमेयर कमला मगरको संयोजकत्वमा विकास निर्माण अनुगमन समिति बनेको छ । उक्त अनुगमन समिति विकास निर्माणको काम सकिएपछि निर्माण समितिले अन्तिम किस्ता निकाल्ने समयमा अनुगम गर्न थालिएको संयोजक मगरले बताइन् ।
अनुगमन समितिमा संयोजक मगरसहित निमित्त प्रमुख प्रशासकीय अधिकृत मनुकुमार लिम्बु र इन्जिनियर समेत रहेका छन् । अनुगमनबाट पाए भए मात्र अन्तिम किस्ता प्रदान गर्ने समितिले जनाएको छ ।
यता बाटो निर्माण कार्य कस्तो भएको छ भन्ने जानकारी लिन निमित्त लिम्बूले बाटोमै नापी समेत गर्ने गरेका छन् ।
