बराहक्षेत्र नगरपालिकाले सीमा क्षेत्रमा रहेर अलपत्र परेका बराहक्षेत्रबासीलाई नगरपालिकाले ल्याउन सुरु गरेपछि अहिले धमाधम क्वारेन्टाइन निर्माण भइरहेको छ ।
अहिलेसम्म बराहक्षेत्र ६ चक्रघटीमा रहेको महेन्द्र मा.वि.मा १३ जना बस्न थालेका छन् । उक्त क्वारेन्टाइनमा बस्नेहरुका लागि कपाडा धुन सहज होस् भन्दै बराहक्षेत्र निर्माण व्यवसायी संघले वासिङ मेसिन(कपडा धुने मेसिन) हस्तान्तरण गरेको छ ।
नगरपालिकाले बनाएको महेन्द्र मावि चक्रघट्टीमा व्यवस्थापन गरेको क्वारेन्टाइनमा प्रयोग गर्नका लागि एक थान कपडा धुने मेसिन आइतबार नगर प्रमुख निलम खनाललाई हस्तान्तरण गरेको हो ।
क्वारेन्टाइनमा बस्ने मानिसहरुको लत्ताकपडा तातोपानीले सफाइ गर्न सहयोग पुर्याउने उद्देश्यले ६२ हजार ५ सय रुपैयाँमा खरिद गरि हस्तान्तरण गरेको संघका अध्यक्ष राम रायमाझीले बताए ।
संघका अध्यक्ष रायमाझी, महासचिव दिपक कार्की लगाएतको टिमले सो मेसिन हस्तान्तरग गरेको हो ।
अहिले उक्त क्वारेन्टाइनमा ४० वटा बेड रहेको र महेन्द्र मा.वि.मा ८० वेडको स्टेमेट रहेको नगरपालिकाका सूचना अधिकृत पुकार पोखरेल बताए । भोलीका दिनमा मानिसको चार र आवश्यक्ता अनुसार क्वारेन्टाइन बनाउँदै जाने उनले बताए ।
दिनमा खाजा,नास्ता र खाना गरि दिनमा ४ पटक उपलब्ध गराउने उनको भनाइ छ । अहिले बनेको क्वारेन्टाइन नेपाल सरकारको मापदण्डअनुसार रहेको र सबैले त्यही अनुसारको सेवा पाउने समेत पोखरेलले बताए ।
