रामधुनी । नेपाल पत्रकार महासंघ सुनसरीको आयोजना तथा रामधुनी नगरपालिकाको आर्थिक सहयोगमा नगर भित्र रहेर पत्रकारिता गर्ने सात पत्रकारलाई फेलोसिप प्रदान गरिएको छ ।
मंगलबार रामधुनी नगर क्षेत्र भित्र रहेर लेखनवृती (फेलोसिप)मा सहभागी भएका पत्रकारहरुलाई नगद र प्रमाणपत्रसहित सम्मान गरिएको हो ।
पत्रकारहरुले नगरको विकास निर्माणमा भएका उपलब्धि, चुनौती, समस्या, कोरोनाका कारण स्वस्थय क्षेत्र परेको प्रभाव, कृषि उपजमा सम्भावना, राहत वितरण, बजार व्यवस्थापन, नगरपालिकाको कार्यालयबाट हुने सेवाप्रवाहको अवस्था लगायतका विषयमा खोजमुलक रिपोर्ट तयार गरेका थिए ।
लेखनवृती मार्फत नगरको सम्पति रक्षकको रुपमा पत्रकारहरुले महत्वपुर्ण भूमिका निर्वाह गरेको नगरप्रमुख जयप्रकाश चौधरीले बताए । विकास निर्माणमा ढिला सुस्ती, अनियमित्ता भए सो बारेमा पत्रकारहरूले खबरदारी गरिरहनु पर्ने र सो खबरदारीलाई सुझावको रुपमा लिने नगर प्रमुख चौधरीले बताए । नगरपालिकाले गरेका कार्यहरु उठान हुन नसकिरहेको अवस्थामा लेखनवृतीले प्रष्ट पारेको भन्दै आगामी वर्षहरुमा यसलाई निरन्तरता दिने चौधरीले प्रतिबद्धता गरेका छन् ।
कतिपय स्थानमा मन्त्रालयबाटै नगरको विकासमा बाधा अड्चन दिइरहेको बारेमा पनि पत्रकारले खोज गरी उठान गर्नु पर्ने वडा नम्बर १ का वडाअध्यक्ष महेश चौधरीले बताए ।
उनले विकासमा आएका योजनालाई हस्तक्षेपगरी योजना मास्ने कार्य भइरहेको भन्दै त्यस्ता योजनाहरुको बारेमा सत्य तथ्यरुपमा सामाचार प्रकाशन गर्नुपर्ने पत्रकारहरुलाई सुझाव दिएका छन् ।
महासंघ सुनसरीका अध्यक्ष अमर खड्काको सभापतित्वमा भएको सम्मान कार्यक्रममा नगरप्रमुख जयप्रकाश चौधरी, वडाअध्यक्ष महेश चौधरी, प्रशिक्षक सुकदेव चौधरी, प्रेम बास्तोला, सुनिल चौधरी, लगायतको उपस्थिती थियो ।
लेखनवृती प्राप्त गर्ने पत्रकारहरुमा धिरेन्द्र चौधरी, आर.बी. कट्वाल, नवीन चौधरी, महेश चौधरी, होम कुमारी चौधरी, शिशिर भट्टराई र सुमन भट्टराई रहेका रहेका छन् । सहभागीहरुले लेखनवृती सम्पन्न गरेसँगै आफना अनुभव समेत सुनाएका थिए भने रामधुनीमा लेखनवृतीका लागि संयोजन महासंघ सदस्य सुनिल चौधरीले गरेका थिए ।
ग्रामिण महिला स-शक्तिकरण समुह इटहरी-१९ र घोङ्गी बगिया थारु भिलेजलेको सहयोगमा घोङ्गी बगिया थारु भिलेजमा सम्पन्न भएको थियो ।
