बराहक्षेत्र नगरपालिकाको वडा नम्बर ३ को नयाँ भवन विवाद करिब करिब समाधान हुँदै आएको छ । पछिल्लो समय नगरप्रमुख निलम खनालले पनि जनताले बनाएको नयाँ भवनलाई स्वीकार गर्दै आएका छन् ।
वडाध्यक्ष रुद्र दाहालका अनुसार मेयर साबले पछिल्लो समाय जनताले स्वस्फुर्त रूपमा सहयोग गरि निर्माण गरिएको भवनलाई भित्री आत्मादेखि स्वीकार गरेका हुन् ।
गाँस काटेर भबनाएको वडा कार्यालय अब कसैले पनि हटाउन नसक्ने र यो भवन जिन्दगी भरको लागि वडा कार्यालय भएको अध्यक्ष दाहालले बताए ।
वडा कार्यालय बनाउन विभिन्न ठाउँमा भएको असहमति, असमझदारी र विवादलाई कसैले कसैले समाधान गर्न नसकिरहेको अवस्थामा नडाहामा चौकमा वडा कार्यालय बनाउने अवसर जुटेको र यस अवसरलाई सफल बनाउन नडाहाबासी लगायत देशबिदेशमा बस्ने सबैले सहयोग गरेको उनले बताए ।
उनले वडा कार्यालय बनाउन प्रदेश, संघीय सरकारका प्रतिनिधिहरुलाई बोलाउने तयारी रहेको बताए । ‘कोरोना भाइरसको कतिको प्रभाव हुने हो त्यो थाहा छैन, यदि कोरोना भाइरस सामान्य भए भदौ पहिलो हप्ता उद्घाटन हुन्छ’ उनले भने, ‘उक्त कार्यक्रममा बराहक्षेत्र नगरप्रमुस विभिन्न व्यक्तीहरुलाई बोलाई उद्घाटन गर्ने योजना छ, जुन कार्यक्रमको निमन्त्रण केही दिनमा काठमाडौ जाने तयारी समेत गर्दैछु ।’
यता बोल्दै अमृत खड्काले भने जनताले बताएको यस भवनलाई वडा कार्यालय नै बनाउनुपर्नेमा जोड दिए । उनल अहिले नगरपालिकाले बनाउँदै गरेको मिलन चोकको भवनलाई कुन प्रयोजनमा प्रयोग गर्न सकिन्छ त्यसमा प्रयोग गर्नु पर्ने बताए ।
जनताबाटै उठ्यो साढे २१ लाख रुपैयाँ
वडा कार्यालय बनाउन देश तथा बिदेशमा हुनेहरुबाट २१ लख ५० हजार रुपैयाँ संहयोग संकलन भएको छ । सहयोग गर्ने प्रतिवद्धता गर्नेहरुबाट बिहीबार मात्र ३ लाख ६६ हजार १ सय ५५ रुपैयाँ संकलन भएको छ ।
जनस्तरबाट निर्माण भइरहेको वडा कार्यालयका लागि देशविदेशबाट रकम संकलन हुने क्रम जारी नै छ । यो अभियानमा नडाहावासीले स्वतःस्फूर्त रुपमा रकम प्रदान गरिरहेको भवन निर्माण समिति अध्यक्ष केशव पुरीले जानकारी दिए ।
स्थानीय तहको निर्वाचनमा नेपाली कांग्रेसका तर्फबाट वडाध्यक्षका उम्मेदवार तिलक कार्कीले बिहीबार नगद १ लाख ११ हजार रुपैयाँ प्रदान गरेका छन् । दिवंगत मातापिता गोविन्द दाहाल र इन्द्रदेवी दाहालको स्मृतिमा छोराहरु दीपक दाहाल, रोशन दाहाल र वडा अध्यक्ष समेत रहेका रुद्रबहादुर दाहालबाट १ लाख ५१ हजार प्राप्त भएको छ ।
अमृतबहादुर खड्काबाट ५१ हजार, निरकुमार कार्कीबाट ११ हजार ५ सय ५५, तुलमति एभेङ लिम्बूबाट १५ हजार १ सय, कमला थापाबाट ११ हजार, अर्जुन कार्कीबाट ५ हजार ५ सय र स्वर्गीय माता मोतीमाया राईको नाममा छोरा उत्तमकुमार राई कान्छाले १० हजार रुपैयाँ प्रदान गरेको निर्माण समिति अध्यक्ष पुरीले जानकारी दिए ।
बराहक्षेत्र ३ नडाहास्थित मुख्य चोकमा ६ कोठे भवन वडा कार्यालय सञ्चालनका लागि निर्माण भइरहेको छ ।
