बराहक्षेत्र । सुनसरीको बराहक्षेत्र ६ स्थित चक्रघटीमा सञ्चालनमा छ सीप विनायक बरफ उद्योग । ६ वर्षदेखि निरन्तर सञ्चालनमा आएको सो उद्योगबाट उत्पादित बरफ यतिबेला नगरका हरेक गाउँमा पुग्छ ।
आफ्नै ठाउँमा केही गरौं भन्ने उद्देश्यसहित स्थानीय अजय शाहले उद्योग सुरु गरेका थिए । आफूसहित थोरै जनशक्तिमै सञ्चालन सुरु गरेका शाहले उद्योगमा यतिबेला स्थानीय २० जनालाई रोजगार दिएका छन् ।
१० लाख रुपैयाँको लगानीमा उद्योग सुरु गरेको शाह बताउँछन् । उनले भने नगरपालिकाका अधिकांश वडामा आफूले उत्पादन गरेको बरफ पुर्याउन पाउँदा उनी खुसी छन् ।
दैनिक १५ देखि २० जनाले आइसक्रिम र बरफ बिक्रीका लागि नगरका विभिन्न गाउँ लैजाने गरका छन् । बरफ बिक्रीबाट आएको आम्दानी बिके्रता र सञ्चालकबीच बराबर बाँड्ने गरेको सञ्चालक शाहको भनाइ छ ।
उनका अनुसार सिजन अनुसार ब्यापार हुने भएकाले ६ महिना मात्रै उद्योग सञ्चाल हुने गरेको छ । तराइमा लाग्ने सिरुवा मेलाको समयमा मासिक ५० हजार देखि एक लाख रुपैयाँसम्म आम्दानी हुने गरेको अजय बताउँछन् ।
हाल बराहक्षेत्र नगरको चतरा, चक्रघट्टीमा दुई वटा र प्रकाशपुरमा दुई वटा आइसक्रिम तथा बरफ उद्योग सञ्चालनमा छन् ।
(प्रशिक्षार्थी पत्रकार, सिता दाहालबाट)
