बराहक्षेत्र । सुनसरीको बराहक्षेत्रमा सञ्चार गृह, पत्रकार महासंघ र सञ्चारकर्मीबीच अन्तरकृया सम्पन्न भएको छ ।
बराहक्षेत्र नगरपालिका ६ मा शुक्रबार नेपाल पत्रकार महासंघ सुनसरी, प्रेस युनियन सुनसरी, प्रेस संगठन सुनसरी र ग्रामीण पत्रकार समुहको संयुक्त आयोजनामा मिडिया हाउस र सञ्चारकर्मी बीच अन्तरकृयात्मक छलफल कार्यक्रम सम्पन्न भएको हो ।
कार्यक्रममा बराहक्षेत्र नगरपालिकामा पछिल्लो समय तीव्र रुपमा सञ्चार माध्यमको विकास भइरहेको र यस्ता सञ्चार गृहलाई बचाई रहनका लागि के कस्ता कार्यक्रम अवलम्बन गर्न सकिन्छ भन्ने विषयमा छलफल भएको थियो ।
त्यस्तै हाल विश्वभर फैलिएको कोरोना भाइरसका कारण सरकारले विभिन्न चरणमा घोषणा गरेको लकडाउनले गर्दा मिडिया हाउस लगायत सञ्चारकर्र्मीहरुमा के कस्तो समस्या आइपरेको छ भन्ने बिषयमा समेत छलफल गरिएको थियो ।
सो कार्यक्रममा नेपाल पत्रकार महासंघ सुनसरीका अध्यक्ष अमर खड्का, १ नं प्रदेश पार्षद बाबुराम कार्की, प्रेस युनियन सुनसरीका सभापति पवन अधिकारी, प्रेस संगठन सुनसरीका अध्यक्ष श्रीसिसा राई, ग्रामीण पत्रकार समुहका अध्यक्ष हिरण्य कार्की, काष्ठमण्डप टेलिभिजन १ नं प्रदेश ब्यूरो प्रमुख निस्चल बस्नेत, ब्यूरो सदस्य उत्सव सुवेदी, सदाबहार मिडिया प्रा.लि.का संचालक बिजय राउत साथै बराहक्षेत्रमा कार्यरत सम्पुर्ण सञ्चारकर्मी तथा पत्रकारहरुको उपस्थिती रहेको थियोे ।
