बराहक्षेत्र । बराहक्षेत्र नगरपालिका १ चतरास्थित सप्तकोशी नदीबाट बग्दै आएकी एक महिलाको उद्धारपछि मृत्यु भएको छ । दिउँसो करिब ११ बजे महिलाको शवलाई बगाउँदै ल्याएको अवस्थामा प्रहरीले उद्धार गरेको थियो ।
नाम थर तथा ठेगाना नखुलेकी अन्दाजी ५५ वर्षकी जस्तो देखिने महिलालाई बगाउँदै ल्याएको अवस्थामा इलाका प्रहरी कार्यालय चतराका प्रहरी टोलीले १ किलोमिटरसम्म पछ्याउँदै उद्धार गरेको इलाका प्रहरी कार्यालय महेन्द्रनगर प्रमुख पाण्डप राजवंशीले बताए ।
उपचारको लागि तत्काल स्वास्थ्य विज्ञान प्रतिष्ठान धरान लगिएको र अस्पताल पुर्याउना साथ चिकित्सकले महिलालाई मृत घोषणा गरेको प्रहरी जनाएको छ। उक्त महिलाको शव सोही अस्पतालको शव गृहमा राखिएको प्रहरीले जनाएको छ।
महिलाको हुलिया हरियो पेटिकोट छातीसम्म बाँधेको, दाहिने हातको साइली औलामा सुनको जस्तो औठी लगाएको, कानमा सुनको जस्तो सिक्रीसहितको टप लगाएको, हेर्दा व्राहम्ण क्षेत्री जस्तो देखिने, गहुँगोरो वर्णको रहेको राजवंशीले बताए ।
