बिनोद आचार्य । पछिल्लो समय विभिन्न संघसंस्थाले बजार केन्द्रित कार्यक्रम गरिरहँदा झुम्का जेसीज भने गाउँ केन्द्रित कार्यक्रम गर्न थालेको छ । अघिल्ला वर्ष झैं झुम्का जेसीजले यसवर्ष पनि जेसिज सप्ताह(२०१९ विभिन्न कार्यक्रम गरि मनाउने भएको छ ।
जेसिजको छैठौं बोर्ड बैठकको निर्णयअनुसार यस वर्ष पनि विभिन्न साताव्यापी कार्यक्रम आयोजना गर्न लागेको जेसिजले जनाएको छ । सप्ताह कार्यक्रम अन्तर्गत ९ देखी १६ भदौसम्म विभिन्न ६ वटा कार्यक्रम गर्न लागिएको झुम्का जेसीजका वर्ष २०१९ का अध्यक्ष पुष्प कार्की ९पुष्कर०ले जानकारी दिए ।
भदौ ९ गते माधव दाहालको संयोजनमा सिद्धार्थ टोल विकास परिषरमा सप्ताह समुद्घाटन तथा वृक्षारोपण, सोही दिन चारस निरौलाको संयोजनमा कल्पवृक्ष पार्टी प्यालेसमा साइबर क्राइम सम्बन्धि सचेतना कार्यक्रम गर्ने अध्यक्ष कार्कीले जानकारी दिए । भदौ १३ मा धिरज कटुवालको संयोजनमा शनिश्चरे मा बि रामधुनी ९ डुम्राहमा शैक्षिक सामाग्री बितरण, त्यस्तै १४ भदौमा कमला कार्की थापाको संयोजनमा दरखाने कार्यक्रम, १५ भदौमा चन्दन ठाकुरको संयोजकत्वमा जेष्ठ नगरिक म्युजिकल चेयर कार्यक्रम रहेको छ । सप्ताहको अन्तिम दिन १५ भदौमा कृषि तथा पशुपंक्षि विकास राज्य मन्त्री रामकुमारी चौधरीको प्रमुख आतिथ्यतामा तिज तथा जितिया विशेष एवम् साप्ताह समापन कार्यक्रम रहेको अध्यक्ष कार्कीले बताए ।
२००६ मा स्थापित झुम्का जेसीजले हरेक वर्ष रचनात्मक कार्य गर्दै आइरहेको छ ।
