इटहरी । इटहरी उपमहानगरपालिका क्षेत्र जेठ ४ गतेसम्म निषेधाज्ञाको समयावधि थपिएको छ ।
अब इटहरीमा औषधि पसल र अस्पतालबाहेक सबै पसलहरु पूर्ण रुपमा सञ्चालन गर्न पाइने छैन । फलफूल र दुग्घ डेरी भने बिहान १० बजेसम्म खुला गर्न सक्ने उपमहानगरले जनाएको छ ।
मंगलबार इटहरी उपमहानगरपालिकाका प्रमुख द्वारिकलाल चौधरीको अध्यक्षतामा बसेको बैठकले वैशाख २९ गते बिहान १० बजेदेखि लागू हुनेगरी जेठ ४ गते मध्यराति १२ बजेसम्मका लागि निषेधाज्ञाको समयावधि थप गरिएको हो ।
प्रमुख प्रशासकीय अधिकृत सूर्यप्रसाद सुवेदीका अनुसार इटहरीमा दैनिक कोरोना संक्रमितको संख्या बृद्धि भएकाले निषेधाज्ञाको समय थप गरिएको हो ।
इटहरीमा हालसम्म ५८७ जना संक्रमित पुगेकाले जोखिम न्यूनीकरण गर्न स्वास्थ्य मापदण्ड पालना गर्न समेत उपमहानगरले जनाएको छ ।
