बराहक्षेत्र । बराहक्षेत्र नगरपालिका वडा नं ६, ७ र ८ मा नेपाली कांग्रेसका नेताहरुले कोरोना संक्रमित तथा विपन्न परिवारका लागि अभियान सुरु गरेको छ ।
वडामा रहेका कोरोना भाइरस सक्रमितहरुलाई पौष्टिक तत्व प्रदान गर्ने, संवेदनशिल क्षेत्रमा सेनिटाइज गर्ने र वडामा रहेका बिपन्न परिवारलाई निःशुल्क र मध्यम वर्गीय परिवारलाई ५० प्रतिशत छुटमा एम्बुलेन्स सेवा सञ्चालनमा ल्याउने कार्यमा निस्किएको क्षेत्र नं ४ का सचिव रमेश कार्की बताए ।
बराहक्षेत्र नगरपालिकामा कोरोना भाइरसको नयाँ भेरियन्ट तीव्र गतिमा बढिरहेको र पछिल्लो समयमा बराहक्षेत्रको ७ नम्बर वडामा २ जनाको मृत्य, ६ नम्बरमा एक र ८ नम्बर वडामा एकको मृत्यु भइसकेको छ । संक्रमणको दर तीब्र रुपैमा फैलिएको भन्दै नेपाली कांग्रेसका नेताहरु यस्तो अभियानमा लागेका हुन् ।
कांग्रेसले पहिलो दिन सोमबार इलाका प्रहरी कार्यलय महेन्द्रनगर, चक्रघट्टि बसपार्क, मुनाल चौक, आइसोलेशन सेन्टर तथा अस्थाई प्रहरी चौकी बाङ्गे र ७ नम्बर वडामा रहेका सक्रमित घरमा पुगेर पौष्टिक तत्व र फलफुल, स्वास्थ्य सम्रागी र घरघरमा सेनिटाइज गरेको छ । सोही काम मङलबार ६ नम्बर बडा र ८ नम्बर वडामा गर्ने कांग्रेसले जनाएको छ ।
सोमबार बिहान तीनै वटा बडाका सभापति र वडाहरुमा रहेका क्षेत्र, जिल्ला र केन्द्रीय स्तरका नेताहहरुबीच भएको छलफलले ३ वटा कार्य गरेर कोरोना नियन्त्रण गर्न सहयोग गर्ने निर्णय गरेको थियो ।
छलफलले कोरोना नियन्त्रण व्यवस्थापन तथा परिचालन समिति समेत गठन गरेको छ । छलफलले नेपाली कांग्रेसका क्षेत्र नं ४ का सचिव रमेश कार्कीको संयोजकत्वमा नेपाली कांग्रेस किरात राई संघ सुनसरी सभापति सन्तकुमार राई, नेपाली कांग्रेस बराहक्षेत्र नगर सहसंयोजक रत्न राउत, वडामा रहेका महासमिति सदस्य, जिल्ला सदस्य, क्षेत्रीय सदस्य, भातृ संघ सभापति, वडा कार्य समितिका सभापतिलगायत पदाधिकारी सदस्य रहेको १ सय १ समिति गठन गरेको छ ।
नेपाली कांग्रेसका नेताहरुबाट सहयोग संक्रलनबाट सुरु गरिएको कार्यक्रमका लागि पहिको दिन नेपाली कांग्रेस महासमिति सदस्य तथा महिला संघ केन्द्रीय सदस्य अनु गुरुङ्ग, जिल्ला आमन्त्रित सदस्य सुरेन्द्र गुप्ता र क्षेत्र नं ४ सचिव रमेश कार्कीले ५/५ हजार समेत रकम कार्यक्रम व्यवस्थापन समितिका कोष व्यवस्थान तुलसी श्रेष्ठलाई हस्तान्तरण समेत गरेका थिए ।
कांग्रेसले विपन्न परिवारका लागि निःशुल्क र मध्यम वर्गीय परिवारका लागि ५० प्रतिशत छुटमा जनहित क्लव, उद्योग बाणिज्य संघ र चक्रघट्टि जेसिजको एम्बुलेन्स सेवाग्राहीले प्रयोग गर्नसक्ने जनाएको छ ।
