रामधुनी । सुनसरीको रामधुनी नगरपालिकाको मुख्य बजारमा हरेक बर्ष मनाइने छठ पर्वमा ब्रत तथा पूजा गर्नेको संख्यामा यस बर्ष बृद्धी भएको छठ माता सेवा समितिका उपाध्यक्ष कमल रौनियार बताउछन् ।
२०५२ सालमा ४–५ घाटबाट सुरु गरिएको रामधुनीमा छठ पर्व मनाउनेको संख्या हाल १४८ वटा घाटमा पुजाका लागि बुकिङ्ग गरेको अवास्था रहेको उनको भनाई छ ।
“अधिल्लो बर्ष १२८ वटा घाटमा मात्र श्रद्धालु भक्तजनले मात्र घाट बुकिङ्ग गरिएको थियो । यस बर्ष त झन् श्रद्धालुहरुको संख्या बृद्धी भएर १४८ मा पुगेको अवस्था छ । मुख्य मिथिला संस्कृतिबाट सुरुभएको यो पर्वमा पहाडे समुदायको रुची बढेको छ । छठ पर्वमा मनाउने श्रद्धालुहरुको संख्या बढ्दै छ ।” उनले भने
यस बर्ष भजनकृतनका लागि कलकत्ताको टोलीले उदाउदो सुर्यलाई अर्घ दिने समयसम्म भक्तिमय वातावरण बनाउने व्यवस्था गरिएको खबरबिटलाई जानकारी दिए ।
छठ पर्वमा लाखौको संख्यामा भक्तजन आउने भएकाले सुरक्षाको लागि करिब १५० म्यादी प्रहरी, नेपाल प्रहरी तथा सशस्त्र प्रहरी गरी करिब २०० जना प्रहरी तैनाथ गरिएको उनले बताए ।
उनले भने, “भक्तजनको भिड धेरै हुन्छ जसलाई सुरक्षामा कुनै कमि नराखि इलाका प्रहरी कार्यालय पकली तथा जिल्ला प्रहरी कार्यालय इनरुवासंग समन्वय गरेर म्यादी प्रहरी, सशस्त्र पहरी तथा नेपाल प्रहरी गरी करिब २०० प्रहरी खटाएर सुरक्षा व्यवस्था कडा पारिएको छ । यस बर्ष भक्तजनको संख्या अधिल्लो बर्ष भन्दा धेरै हुने अनुमान पनि गरेका छौ ।”
साथै सम्पूर्ण नगरबासीलाई छठ पर्वमा सबैलाई अवलोकन गर्दै पर्वको महिमा बारे जानकारी लिन सम्पूर्णमा शुभकामना दिदै यसमा उपस्थित हुन रौनियारले आहवान समेत गरेका छन् ।
