मोरङ । पथरी शनिश्चरे नगरपालिका वडा नम्बर आठ ले आर्थिक वर्ष २०७९/०८० को बार्षीक कार्यक्रम अन्तरगत आफ्ना वडाका छत्तिस जना विद्यार्थीहरु लाइ छात्रवृत्ति प्रदान गरेको छ । जसमध्ये पथरी बहुमुखी क्याम्पस पढ्ने २२ जनालाई पाँच हजारका दरले र बुद्ध मा. बि. ११, १२ मा पढ्ने १४ जनालाई अठ्ठाइस सयका दरले छात्रवृत्ति प्रदान गरिएको हो ।
कार्यक्रममा बोल्दै वडा अध्यक्ष नवीन कार्कीले आफुहरुले वडामा कसैले पनि आर्थिक अवस्था कमजोर भएकै करण पठनपाठन गर्न बन्द गर्न नपरोस भनेर यस कार्यक्रमको सुरुवात गरिएको बताएका छन् । अध्यक्ष कार्कीले छात्रवृत्ति कार्यक्रम पाँच वर्ष सम्म निरन्तर चल्ने र विद्यार्थीहरुले वडाको सबै तथ्यांक संकलन गर्न सहयोग गर्नुपर्ने भनी अनुरोध समेत गरेका छन् ।
कार्यक्रममा अतिथिका रुपमा रहेका पथरी बहुमुखी क्याम्पसका प्रमुख शान्तिराम तिम्सिनाले वडा नम्बर आठको यो कार्यक्रमबाट अरु सबै वडाले सिक्नुपर्ने बताउँदै विद्यार्थीहरुलाइ बधाई दिएका छन् ।
प्रमुख अतिथिका रुपमा रहेका पथरी शनिश्चरे नगरपालिकाका प्रमुख मोहन तुम्बापोले वडा नम्बर ८ ले सुरुवाती समयदेखि नै जनमुखी कामहरु गर्दै आएकोले आफुलाइ खुसी लागेको बताउँदै नगरपालिकाले सबै शाखाहरु भन्दा शिक्षामा बढी बजेट बिनियोजन गरेको जानकारी दिए ।
बुद्ध मा. बि. का सहायक प्रधानाध्यापक भरतबहादुर खड्काले संचालन गरेको कार्यक्रममा वडा सदस्य बाबुराम चौधरी, शिवकुमारी बिश्वकर्मा, बुद्ध मा. बि. का प्रधानाध्यापक बोधराज सिग्देल, छात्रवृत्ति पाउने विद्यार्थी र अभिभावकहरुको सहभागिता रहेको थियो ।
“आफ्नै क्याम्पस पथरी बहुमुखी पढौ, छात्रवृत्ति पाई अगाडी बढौ” भन्ने नारा साथ अगाडी सारिएको कार्यक्रमले आफुहरुलाइ पठनपाठनमा सहयोग पुर्याएको सहभागी विद्यार्थीहरुले बताएका छन ।
