सुनसरी । चर्चित हास्यव्यङ्गय कलाकार जितु नेपाल र अभिनेत्री साम्राज्ञी राज्य लक्ष्मी साहको मुख्य अभिनयमा रहेको नेपाली कथानक चलचित्र “ह्यारी की प्यारी” देशभर प्रदर्शनमा आएको छ ।
डा. कपिल रिजालको कथा तथा निर्देशनमा निर्माण गरिएको उक्त चलचित्र माघ २० गते शुक्रबार आएको छ ।
चलचित्रमा हास्यव्यङ्गय कलाकार जितु नेपाल तथा नायिका साम्राज्ञी राज्य लक्ष्मी साहका साथै पछिल्लो समयमा उत्कृष्ठ अभिनयबाट दर्शक श्रोताहरुको मनजित्न सफल चर्चित कलाकार विजय बरालको अभिनय पनि देख्न सकिन्छ ।
छक्का पञ्जा २, ३, हुँदै छ माया छपक्कैमा आमाको उत्कृष्ट अभिनय गरेकी लक्ष्मी गिरीको यस चलचित्रमा पनि आमाका रुपमा अभिनय देख्न सकिन्छ । चलचित्रमा सुबास गजुरेल, रन्जना भट्टराई र सरला रिजालको अभिनय पनि देख्न सकिनेछ ।
वि.आर.प्रोडक्सनको प्रायोजन तथा भोला रिजालको निर्माणमा निर्मित उक्त चलचित्रमा नेपाली परिवेसलाई जोडिएको निर्माण टिमले जनाएको छ ।
