इटहरी : इटहरी-२ स्थित बुढासुब्बा खेल मैदानमा २०८० जेष्ठ ३२ गते बिहीबारदेखि फुटबल प्रतियोगिताको तयारी गरिएको छ ।
तालतलैया फुटबल क्लबको आयोजनामा असार ९ गतेसम्म प्रतियोगिता आयोजना हुने सोमबार पत्रकार सम्मेलन गरी जानकारी दिइएको छ ।
क्लबका अध्यक्ष शंकर राईका अनुसार प्रतियोगितामा ४ वटा जिल्ला जसमा सुनसरी, मोरङ, झापा र उदयपुरका गरी १० टिम सहभागी हुनेछन् ।उनले उक्त प्रतियोगिताको बिजेता टिमले नगद ५१ हजार र उपबिजेता टिमले नगद ३१ हजारसहित ट्रफी, मेडल र प्रमाणपत्र प्रदान गरिने जानकारी दिए ।
कार्यक्रम संयोजक सुरेन्द्र राईका अनुसार वि.सं. २०७२ सालमा स्थापना भएको उक्त क्लबले यसअघि विभिन्न प्रशिक्षण गराउँदै आएको छ ।
उनले उक्त प्रतियोगितामा खेलको म्यान अफ दि म्याच पुरस्कार, विभिन्न विधामा उत्कृष्ट खेलाडीहरूलाई पुरस्कार र हरेक टिमलाई यातायात बापत खर्च प्रदान गर्ने जानकारी दिए ।
क्लबका सचिव रोसन भुजेलले उक्त क्लबले यसअघि पनि विभिन्न प्रतियोगितामा सहभागी भइ विजयी भएको बताए ।उनले खेल क्षेत्रमा युवाहरूलाई प्रोत्साहित गर्नका निम्ति उक्त प्रतियोगिताले सहजीकरण गर्ने बताए ।
