सुनसरी । सुनसरीको हरिनगरा गाउँपालिका–६ मा भिनाजुको गोली प्रहार बाट सालीको हत्या भएको छ । आफ्नै भिनाजुले सालीमाथि गोली प्रहार गर्दा १८ वर्षीया अर्सी खातुनको घटनास्थलमै मृत्यु भएको हो ।
सोमबार बिहान करिब २ बजे भारतको अररिया जिल्ला घर भएका करिब २८ वर्षीय भिनाजु आजाज मियाले सालीको टाउकोमा गोली प्रहार गरेको जिल्ला प्रहरी कार्यालय सुनसरीका प्रहरी निरीक्षक सुमन कुमार तिम्सिनाले जानकारी दिए । उनका अनुसार राति २ बजे घटना भएपनि करिब पौने तीन बजे स्थानीयले प्रहरीलाई खबर गरेका थिए ।
।
मिया अपराधिक पृष्ठभूमीको रहेको र उनी पटकपटक भारतको विभिन्न ठाउँबाट चोरी अभियोगमा पक्राउ परिसकेको उनले जानकारी दिए । उनका अनुसार भारतीय प्रहरीसँग समेत समन्यव भइरहेको र मियाको घर पत्ता लागिसकेको छ ।
गोली प्रहार गरेपछि मिया फरार छन् । उनलाई पक्राउ गर्नका लागि प्रहरी सक्रिय रहेको र सीमा नाकामा चेकजाँचमा समेत कडाइ गरिएको तिम्सिनाले जानकारी दिए
