बराहक्षेत्र । सुनसरीको बराहक्षेत्र नगरपालिकाको वडा नम्बर ५ कालाबन्जार चौकदेखि धनपुरी जाने बाटो मापदण्डअनुसार नबनेको भन्दै स्थानीय आक्रोशित भएका छन् ।
नगरपालिकाले दिएको मापदण्डमा पहिला बाटो राम्रोसँग क्लिनेस गर्नुपर्ने र ४ सय ८० घनमिटर माटो लगाउनुपर्ने छ । तर सो मापदण्ड अनुसार बाटो नबनाएको भन्दै स्थानीयवासी आक्रोशित बनेका हुन् । स्थानीयका अनुसार ४ सय ८० घनमिटर माटो लगाउनुपर्ने भए पनि ठेकेदार कम्पनी ओम रन्जित कन्ट्रक्सने माटो नलागाई एकैपटक गिट्टी लगाएको स्थानीय कृष्ण तामाङले बताए । उनका अनुसार नगरले करिब १ सय २० टिफर गिट्टी लगाउनुपर्ने भनेपनि ठेकेदार कम्पनीले ६० देखि ७० टिफर मात्र गिट्टी लगाएको छ ।
मापदण्ड बिपरित भएको थाहा पाएपछि स्थानीयहरुले काम रोक्न लगाएर निर्माण कम्पनीलाई छलफलका लागि बुधबार बोलाएका थिए । स्थानीय र कम्पनीबीच भएको छलफलपछि कम्पनीले नगरपालिकाको मापदण्डअनुसार काम गर्ने बताएका छ्न । कम्पनीले स्थानीयलाई यो गिट्टी पन्छाएर लगाएर माटो लागाउने प्रतिबद्धता दिएका छ्न । यता स्थानीय कृष्ण तामाङले भने नगरपालिका दिएको मापदण्डअनुसार काम नभए स्थानीयहरु मिलेर सबै काम रोक्न बाध्य हुने बताए ।
प्रशासकीय अधिकृत मनुकुमार लिम्बु भने आफूलाई सो बाटो नियम बिपरित काम भएको धेरै खबर आएको बताए । उनले नगरपालिकाले दिएको मापदण्डअनुसार काम नभए कम्पनीको बिल पास नहुने समेत बताए ।
मापदण्ड बिपरित काम भएपछी स्थानीयले कामको गुणस्तर र मापदण्ड हेर्न स्थानीय दीलबहादुर पाैडेलको अध्यक्षतामा ७ सदस्यीय समति समेत बनाएका छन् ।
निर्माण कम्पनीले काम केही दिन अगाडिदेखि सुरु गरेको थियो । कन्ट्रक्सनले ४ सय मिटर लम्बाई र ७ मिटर चौडाइ कालोपत्रे गर्नुपर्ने छ ।
