बराहक्षेत्र । कोरोना भाइरसको नयाँ भेरियन्टको प्रभावले खाद्यनको जोह गर्न सकस परिरहेको बराहक्षेत्रधामका जोगी तथा संन्यासीहरुलाई नेपाली कांग्रेस बराहक्षेत्रले गठन गरेको कोरोना भाइरस नियन्त्रण व्यवस्थापन तथा परिचालन समितिले खाद्यान्न सहयोग गरेको छ ।
विगत २० दिनदेखि नियमित रुपमा संक्रमितको घरमा सेनिटाइज, पोष्टिक तत्ब र बिरामिकालागि निशुल्क एम्बुलेन्स सेबा दिई राखेको कांग्रेसले शनिवार वराहक्षेत्र मन्दिरमै पुगेर २१ जना जोगी तथा संन्यासीहरुलाई खाद्यान्न सहयोग गरेको हो ।
बराहक्षेत्र मन्दिर दर्शन गर्न आउने तिर्थालु र भक्तजनले दिएको दानवाट जीविकाेपार्जन गर्ने जोगी ,संन्यासीहरुलाई निशेधज्ञाले तिर्थालु र भक्तजनको चहल पहल शुन्य भएकाे र खाद्यान्न जोह गर्न सकस भएको थाहा पाएपछि सहयोग गरेको नेपाली कांग्रेस कोरोना नियन्त्रण व्यवस्थापन तथा परिचालन समितिका संयोजक क्षेत्र नं ४ का सचिव रमेश कार्कीले बताए ।
जोगि तथा सन्यासीहरुलाई बराहक्षेत्र संरक्षण मञ्चसंग समन्वय गरेर खाद्यान्न प्रदान गरिएकाे थियो । बराहक्षेत्र मन्दिर परिषदमा रहेका २१ जना जोगी तथा सन्यासीहरुलाई चामल, दाल, नुन, तेल, चिनि प्रदान गरिएको थियो ।
वितरण कार्यमा नेपाली कांग्रेस महासमिति सदस्य अनु गुरुङ, नेपाली कांग्रेस वराहक्षेत्र नगर सभापति नारायण नेपाल, नेपाल दरुण दल बराहक्षेत्र सदस्य सुरज घिमिरे, बराहक्षेत्र संरक्षण मञ्चका अध्यक्ष भक्त श्रेष्ठ, सचिव राजु घिमिरे लगाएको उपस्थित रहेको थियो ।
कोरोना भाइरसका कारण खाद्यन जोह गर्ने समस्या भइरहेका जोगी तथा सन्यासीहरुलाई केही समस्या भए पनि खाद्यान्न व्यवस्था भएको बराहक्षेत्र संरक्षण मञ्चले जानकारी दिएको छ ।
