बराहक्षेत्र । सुनसरीको बराहक्षेत्र नगरपालिका वडा नम्बर ८ बाघझोडामा रहेको जीवन ज्योति इङलिस स्कुललाई ८ वटा माद्यामिक विद्यालयहरु संगठित भई संचालन गर्ने भएका छन् ।
उच्च शिक्षा सञ्चालनको लक्ष्यसहित ८ विद्यालय संगठित भइ सञ्चालन गरिएको प्रिन्सिपल दीवस बिष्टले जानकारी गराए । शनिबार पत्रकार सम्मेलन गर्दै जीवन ज्योती स्कुल र अन्य आठ स्कुलका प्रतिनिधिले गुणस्तरीय उच्च शिक्षाका लागि संयुक्त रुपमा संगठित भइ सञ्चालन गर्न लागेको जानकारी गराइएको छ ।
तीन वर्षदेखि कक्षा ११ र १२ को अनुमती पत्र लिएर बराहक्षेत्रमै पहिलोपटक निजी क्षेत्रबाट कलेज सञ्चालन भइरहेको छ । एकता नै बल हो भन्ने दृष्टिकोणबाट बराहक्षेत्र नगरभित्र सञ्चालित माद्यामिक तहका विद्यालयहरु संगठित भई शैक्षिक विकास गर्ने उद्देश्यले आगामी दिनमा अघि बढ्ने विष्टले जानकारी दिए ।
केही वर्ष यता प्लस टू सञ्चालन गरिरहेको जीवनज्यातीसँग बराहक्षेत्रका अन्य ७ विद्यालयले सम्झौता गरेका छन् । जीवनज्योतिको विद्यालय व्यवस्थापन समितिका अध्यक्ष दिलबहादुर बस्नेत र संगठित स्कुलबाट कृष्ण तामाङले सम्झौता पत्रमा हस्ताक्षर गरेका हुन् ।
बराह राइजिङ्ग स्टार इङलिस स्कुल बराहक्षेत्र २ चतरा, स्काई इङलिस स्कुल बराहक्षेत्र ३ नडाह, भरौल बाल मन्दिर इङलिस स्कुल बराहक्षेत्र ३ नडाहा, सिद्धार्थ मेमोरियल इङलिस स्कुल बराहक्षेत्र ५ कालाबन्जार, सुनसरी गार्डेन एकेडेमी बराहक्षेत्र ६ चक्रघट्टी, राजाबास इङलिस स्कुल बराहक्षेत्र ९, सनसाइन इङलिस बोर्डिङ स्कुल बराहक्षेत्र १० प्रकाशपुरले जीवन ज्योति इङलिस स्कुलसँग सम्झौता गरेको हो ।
बराहक्षेत्र नगरपालिकामा विभिन्न बिषयमा स्नातकसम्म अध्यापन गराउन बराहक्षेत्रमा भएका निजी क्षेत्र बाट सचालन हुँदै आएका माबि स्कुलहरु एक जुट भएर यस्तो सम्झौता गरेको सिद्र्धार्थ मेमोरियल इङलिस स्कुलका प्रिन्सिपल कृष्ण तामाङले बताए । दुई दसक भन्दा बढी शिक्षा क्षेत्रमा लगानी गरिसकेको र बराहक्षेत्रमा एउटा राम्रो कलेज आवश्यक भएकोले संगगिठ हुनुपरेको उनको भनाइ छ ।
जग्गा खरिद गरि केही महिना पछि देखि नयाँ भवन समेत बनाउने र भावी दिनमा स्नातकसम्मका कक्षा सञ्चालनका लागि अघि बढ्ने उनले जानकारी दिए ।
नयाँ टिममा सबै १० देखि २७ वर्षसम्म अध्यापनन गराईरहेका माबी लेभलका शिक्षक तथा सञ्चालकहरु रहेका छन् । जीवनज्योतीमा अध्ययन गर्दा चतरादेखि प्रकाशपुरसम्म स्कुलको बसको समेत व्यवस्था भएको जानकारी गराइएको छ ।
याे पनि पढ्नुहाेस् :
ग्रामीण क्षेत्रको कलेजलाई हेर्ने दृष्टिकोण बदलेका छौं : प्रधानाध्यापक बिष्ट
