सुनसरी । सुनसरीको कोशी गाउँपालिका ३ जमुवा चोक स्थित पूर्व पश्चिम राजमार्गमा पिकअप भ्यानको ठक्करबाट मोटरसाईकल चालकको मृत्यु भएको छ । मोटरसाईकल पछाडी सवार घाइते भएका छन् ।
मृत्यु हुनेमा सप्तरी महादेवा गाउँपालिका ६ का ३५ वर्षीय रामनाथ मण्डल रहेको प्रहरीले जनाएको छ ।
बिहीबार दिउँसो १२ बजे पश्चिम तर्फ जादै गरेको प्र २ -०३-००१ च ३००७ नम्बरको पिकअपले बिपरित दिशाबाट आउँदै गरेको प्र २ -०१-००२ प ५६५ नम्बरको मोटरसाइकललाई ठक्कर दिएको थियो । सो दुर्घटनामा गम्भीर घाइते भएका मोटरसाईकल चालक राम नाथको जिल्ला अस्पताल इनरुवामा उपचारको क्रममा बिहीबार (हिजो) दिउँसो साढे १२ बजे मृत्यु भएको थियो ।
मोटरसाईकल पछाडी सवार सप्तरी हुनुमान कंकालिनी नगरपालिका ११ का १९ वर्षीय सन्तोष कुमार मण्डलको नोवेल अस्पताल विराटनगरमा उपचार भइरहेको छ ।
ठक्कर दिने पिकअप र चालक सर्लाही बर्छवा ९ का २३ वर्षीय अंश कुमार साहलाई प्रहरीले नियन्त्रणमा लिएको छ ।
