बराहक्षेत्र । सुनसरीको बराहक्षेत्र नगरपालिका १० प्रकाशपुर स्वास्थ्य चौकीलाई हङकङक नेपाली महासंघको सोअर्स एक्सनको सहकार्यमा एक थान अक्सिजन कन्सटेटर दिएको छ । शुक्रबार एक कार्यक्रमका बीच प्रकाशपुर स्वास्थ्य चौकीलाई १० लिटर प्रति मिनेट क्षमताको अक्सिजन कन्सटेटर हस्तान्तरण गरिएको हो ।
नेपाली कांग्रेस महासमिति सदस्य बाबुराम विष्ट र प्रकाशपुर नेपाली काङग्रेस गाउँ एकाइ सभापति नवराज बस्नेतले संयुक्त रुपमा वडाध्याक्ष महेन्द्र बहादुर खत्री मार्फत स्वास्थ्य चौकी प्रकाशपुरलाई हस्तान्तरण गरिएको थियो ।
दुई लाख ५० हजार मूल्य बराबरको कन्सटेटर प्रदान गरिएको वार्ड सभापति बस्नेतले बताए । उनले पूर्वाञ्चल इन्जिनियरिङ्ग क्याम्पस धरानको नेविसंघ पूर्व सभापति अशोक बस्नेतको पहलमा सोअर्स एक्सन हङ्कङ्ले दिएको जानकारी गराए ।
कोभिडको तेस्रो लहरको पूर्व तयारीका लागि वडाबासीहरुलाई सहज रुपमा अक्सिजन उपल्ब्ध गराउन र कोभिडबाट हुने मानवीय क्षतिलाई रोकथाम गर्न अक्सिजन कन्सटेटर आवश्यक भएकाले उक्त सामग्री स्वास्थ्य चौकीमा वितरण गरिएको काङ्ग्रेस नेता बस्नेतले बताए ।
कार्यक्रममा वार्ड नं. १० का वडाध्याक्ष महेन्द्र बहादुर खत्री, काङग्रेस नेत शंखर वस्नेत, कालुराम चौधरी, अनिल राई, कमला कटुवाल, श्याम ढकाल, प्रकाशपुर युवा जमातका दिनेश राई र प्रकाश उच्च माविका प्रधानध्यपक चुडामणि खनाल, स्थानीय पुस्कर पाण्डे मनिदेवि राई लगायत स्वास्थ्यकर्मीहरुकोे उपस्थिति रहेको थियो ।
