बराहक्षेत्र । सुनसरीको बराहक्षेत्र नगरभित्रका ६३ जना अन्य पार्र्टी परित्याग गरि राप्रपामा प्रवेश गरेका छन् ।
राष्ट्रिय प्रजातन्त्र पार्टी बराहक्षेत्र नगर कार्यसमितिको आयोजनामा बराहक्षेत्र ५ कालाबन्जारमा शनिबार आयोजित पार्टी प्रवेश कार्यक्रममा नेपाली काङ्ग्रेस, नेकपा एमाले, माओवादीलगायत परित्याग गरी ६३ जना राप्रपामा स्वागत गरेको नगर अध्यक्ष अर्जुन भट्टराईले बताए ।
भट्टराईका अनुसार अन्य विभिन्न पार्टी परित्याग गरी राप्रपामा प्रवेश गर्नेमा साबिक भरौल ३, ४, ५ र ७ का रहेका छन् ।
बराहक्षेत्र नगर अध्यक्ष अर्जुन भट्टराईको अध्यक्षतामा भएको कार्यक्रममा राप्रपाका केन्द्रीय सदस्य ईनु अधिकारीको प्रमुख आतिथ्यता रहेको थियो ।
नयाँ आगन्तुकहरुलाई नगर अध्यक्ष भट्टराइ, प्रमुख अतिथी अधिकारी लगायतले खादा तथा टीका लगाए पार्र्टीमा स्वागत गरेका थिए । कार्यक्रममा नगर कोषाध्यक्ष लक्ष्मी रेग्मी, सचिव दिपक कटवाल, सदस्य पुष्पा वस्नेत, कुमारी बस्नेत लगायतको उपस्थिति रहेको थियो ।
