सुनसरी । इटहरी नमुना कलेजको आयोजनामा बृहत निःशुल्क स्वास्थ्य शिवर सम्पन्न भएको छ । बराहक्षेत्र १० प्रकाशपुर स्थित प्रकाशपुर डोभर स्कुलमा शनिबार भएको शिविरमा करिब पाँच सय जना लाभान्वित भएका छन् ।
शिविरमा निःशुल्क आँखा जाँच, दन्त परीक्षण, फिजिसियन, होमियोपेथी, रक्त परीक्षण तथा मधुुमेय परीक्षण लगायतका सेवाहरु प्रदान गरिएको थियो । इन्खा एकिकृत अस्पताल, पूर्वाञ्चल डेन्टल हस्पिटल र इटहरी आँखा अस्पतालको संयुक्त सहकार्य तथा बराहक्षेत्र वडा नम्बर १० को समन्वयमा शिविर सम्पन्न भएको हो ।
कक्षाकोठामा मात्र सिमित नभई समुदायसँग प्रत्यक्ष जोडिएर काम गर्दा विद्यार्थीहरुकाे सिकाइमा थप प्रभावकारिता आउने र समुदायप्रति उनीहरूलाई थप जिम्मेवारी बाेध गराउने भएकाले सो कार्यक्रम गरिएको सामाजिक कार्य विभाग प्रमुख नितेश गौतमले बताए ।
त्यस्तै उक्त शिविरमा बराहक्षेत्र नगरपालिकाका नगरप्रमुख रमेश कार्की, वार्ड नं. १० का वडाध्यक्ष तेज गुरुङ्ग, इटहरी नमुना कलेजका संचालक समितिका अध्यक्ष केशव खड्का, स्थानीइ बाल क्लबका प्रतिनिधी लगायतको उपस्थिति रहेको थियो ।
कलेजले शैक्षिक गुणस्तर अभिवृद्धि गर्दै विद्यार्थीहरूलाई सामाजिक परिवर्तनकाे वहाककाे रूपमा उत्पादन गर्न समुदायमा आधारित विविध क्रियाकलापहरु गर्दै आइरहेको छ ।
