झापा र इलामको बिभिन्न स्थानमा सवारी दुर्घटना हुँदा दुई जनाको मृत्यु भएको छ । हिजो झापाको कन्काई नगरपालिका १ पुर्व पश्चिम राजमार्ग स्थितमा पुर्वबाट पश्चिम तर्फ आउदै गरेको मे ९ प ५७४४ नम्बरको मोटरसाईकलले बाटो क्रस गर्दै गरेको पैदल यात्रीलाई ठक्कर दिदा घाईते भएका भारत सुन्दरपुरका ६५ बर्षीय दिपराज चरजलाई उपचारको लागि बिर्तासिटी अस्पताल बिर्तामोड लगिसकेपछी उनको मृत्यु भएको हो भने मोटरसाईकल चालक बाह्रदर्शी ६ का ५४ बर्षीय संजित तामाङको सोहि अस्पतालमा उपचार भईरहेको छ ।
त्यस्तै ईलाम नगरपालिका ७ मेची राजमार्ग स्थित सडक छेउमा रोकी राखेको प्रदेश १ १०३ ००१ त ००१२ नम्बरको ट्याक्टरमा मे ११ प ८२१५ नम्बरको मोटरसाईकल ठोक्किदा घाईते भएका मोटरसाईकल चालक इलाम ३ का २५ बर्षीय संजय राईलाई उपचारको लागि बि एण्ड सि अस्पताल बिर्तामोड लैजाने क्रममा उनको माटोमै मृत्यु भएको हो भने मोटरसाईकलमा पछाडी सवार गरेका सन्दकपुर नगरपालिका १ का १७ बर्षीय संयोग लिम्बुको जिल्ला अस्पताल इलाममा उपचार भईरहेको छ ।
घटना सम्बन्धमा सम्बन्धित प्रहरी कार्यालयहरुबाट थप अनुसन्धान भईरहेको छ ।
