प्रदेश १ का पाँच जना प्रदेश सांसदले मातृभाषामा सपथ लिने भएका छन् । पाँचथरबाट निर्वाचित माओवादी केन्द्रका इन्द्रबहादुर आङ्बो, इलामबाट निर्वाचित (एकीकृत समाजवादी) की खिनु–लङ्वा लिम्बुले मातृभाषा लिम्बु भाषामा सपथ लिने हुनु भएको हो ।
यस्तै, नेकपा एकिकृत समाजवादीका पाँचथरबाट निर्वाचित कमलप्रसाद जबेगु, ताप्लेजुङ्बाट निर्वाचित कंग्रेसका खगेनसिंह हाङ्गाम र जनता समाजवादी पार्टीकी निर्मला लिम्बुले मातृभाषा यक्थुङ लिम्बु भाषामा सपथ लिने प्रदेशसभा सचिवालयका सचिव गोपालप्रसाद पराजुलीले बताउनुभयो ।
प्रदेशसभा सचिवालयले पुस ५ गते सार्वजनिक सूचना जारी गरि मातृभाषामा सपथ लिने दिनभन्दा तीन दिन अगावै विवरण उपलब्ध गराउन माग गरेको थियो ।
प्रदेशसभा सचिवालयले भोली दिउँसो साढे १२ बजे प्रदेश प्रमुख पर्शुराम खापुङले ज्येष्ठ सदस्य गयानन्द मण्डल गनगाईलाई सपथ ग्रहण गराएरपछि अन्य सदस्यलाई साढे १ बजे प्रदेशसभा भवनमा सपथ गराउने कार्यक्रम तय गरेको छ ।
