सुनसरी । बराहक्षेत्र वडा नम्बर ६ चक्रघट्टी बजारमा रहेको साना किसान कृषि सहकारीले पञ्चवर्षीय योजना सुरु गरेको छ ।
करिब ४ वर्ष अगाडि सुरेन्द्रमणि पौडेल अध्यक्ष भएको बेला संस्थाले बराहक्षेत्र ८ को जितपुरमा ३ लाख प्रती कठ्ठाका दरले ६० लाखमा १ बिगाहा जग्गा किनेर उक्त जग्गामा धान मकै खेती गर्न अधिया दिँदै आइरहेको थियो । पौडेल अध्यक्ष भएको ३ वर्ष कार्यकाल सकिएपछि समिति पूर्ण विघटन भइ नयाँ संचालन समितिको चयन भएको थियो । उक्त नयाँ संचालन समितिमा राजाबास निवासी मनबहादुर राउत सर्वसम्मत चयन भए ।
उनले पहिलो साधारणसभाबाट पहिलो पन्ञवर्षीय योजनालाई जेष्ठबाट सुरु गरे । सुरुमा उक्त जमिनको अध्ययन गरि सबैसँग सल्लाह गरि करिब ११ कठ्ठामा २ वटा पोखरी निर्माण गरि ३ जातिको माछा समेत हाले । उक्त पोखरी निर्माण गर्न संस्थाले करिब १ लाख ५० हजार रुपैयाँ खर्च गरेको छ । उनले पोखरी खन्नुका साथै पोखरीसम्म जाने बाटो समेत बनाए ।
संस्थाले ५ वर्ष भित्र गाई भैंसी बाख्रा फर्म बेमौसमी तरकारी खेती लगाउने र पोखरीको किनारमा केरा खेती गर्ने संस्थाको योजना रहेको व्यवस्थापक नमाहङ्ग लिम्बुले बताए । जग्गा वरिपरि घेराबेरा गर्ने गेट बनाउने एउटा भवन बनाउने अध्यक्ष मानबहादुर राउतले बताए । सो जग्गाबाट उत्पादन भएका माछा, केरा, बेमौसमी तरकारी, दुध सबै संस्थाका सदस्यलाई बजार मूल्य भन्दा सस्तोमा बेच्ने योजना रहेको राउतको भनाइ छ ।
संस्था भन्दा सदस्यहरुलाई फाइदा पु-याउने उद्देश्यका साथ पञ्चवर्षीय योजना अगाडि बढाएको व्यवस्थापकले बताए । राउतको अध्यक्षतामा फेरि ७ लाख ५० हजार प्रति कठ्ठाका दरले सैनिकमा ७ कट्ठा जग्गा समेत खरिद गरेको संस्थाले जनाएको छ । उक्त ७ कठ्ठामा धारणसभालगायत विभिन्न कार्यक्रम गर्न मिल्ने एउटा पार्टी प्यालेस बनाउने योजना रहेको व्यवस्थापक लिम्बुले बताए ।
