सुनसरी । बराहक्षेत्र वडा ५ सिमरबनस्थित जनजागृति सामुदायिक वनले जिल्ला वन डिभिजन कार्यालयसँगको सहकार्यमा ३ बिगाह वनक्षेत्रमा लगाएको जडिबुटी खेतीमा उत्पादन सुरु भएको छ । पहिलो पटक त्यहाँ लगाइएको जडिबुटीजन्य लेमनग्रास, बाबरी, सिटोनेल, क्यासिटका बिरुवाहरु बढेपछि उत्पादन दिन थालेको अध्यक्ष खड्कबहादुर कार्कीले बताए ।
डिभिजन वन कार्यालय सुनसरीको आर्थिक तथा प्राबिधिक सहयोगमा जनजागृती सामुदायिक वनमा जडिबुटी खेती गरिएको हो । वनले लगाएको जडिबुटी खेतीकोबाट आम्दानी समेत हुन थालेको छ ।
सितोला भनिने जडिबुटीबाट ९ लिटर तेल उत्पादन भएको कार्कीले बताए । उनका अनुसार सो तेल प्रतिलिटर ९ सय ५० रुपैयाँको दरले बिक्री भएको छ । बाबरीबाट निस्केको ५ लिटर तेल प्रतिलिटर एक हजार १ सय ५० रुपैयाँका दरले तरहरा जडिबुटी उत्पादन केन्द्रमा बिक्री गरेको अध्यक्ष कार्कीले बताए ।
उनी जडिबुटी मेसिन आफ्नै हुने हो भने सोचेजस्तो राम्रो आम्दानी हुने बताउँछन् । उनले वन समितिसँग जडिबुटी पेलेर तेल निकाल्ने प्रविधि नभएकाले घाँसको दाममा कम्पनीलाई बेच्न बाध्य भएको बताए ।
अब केहि दिनमै अर्को लटको लागि सितोला भने जडिबुटी कट्नु सुरु गर्नु पर्ने उनले जानकारी दिए ।
