सुनसरी । इटहरी नमुना कलेजले कक्षा ११ मा भर्ना भएका विद्यार्थीलाई स्वागत गरेको छ । मंगलबार एक समारोहबीच विभिन्न संकायमा भर्ना भइ अध्ययन सुरू गरेका कक्षा ११ का विद्यार्थीलाई कलेजले स्वागत गरेको हो ।
सांस्कृतिक कार्यक्रम समेत समावेश गरिएको स्वागत समारोहमा विभिन्न अतिथिहरुले कलेजको प्रगतिको कामना गरेका थिए । कार्यक्रममा विषेश अतिथिको रुपमा रहेका हिसान सुनसरीका अध्यक्ष मुकुन्द घिमिरेले नमुना कलेजलाई साँच्चिकै नमुना रहेको बताए ।
कार्यक्रमको उद्घाटन राष्ट्रिय परिक्षा वोर्ड प्रेदेश १ कार्यालयका प्रमुख डम्बर कुमार बतासले गरेका थिए। सोही कार्यम्रममा बतासले कक्षा ११ मा २७ वर्षमा पूर्णरूपमा नयाँ पाठ्यक्रम परिमार्जन गरी कार्यान्वयन सुरु भएको बताए । तर नयाँ पाठ्यक्रमलाई लिएर सर्वोच्चमा परेको रिटले सिकाइ प्रक्रिया अन्योलग्रस्त बनाएको उनको भनाइ थियो ।
कलज प्रमुख धर्म न्यौपानेले उत्कृष्ट जनशक्ति उत्पादन गर्न इटहरी नमुना कलेज प्रतिवद्द रहेको बताए । कार्यक्रममा त्रिभुवन विश्वविद्यालयका शाखा अधिकृत हरी दाहाल, कलेज सञ्चालक, व्यवस्थापन समितिका सदस्य, शिक्षक तथा प्राध्यापक, अभिभावक र विद्यार्थीको उल्लेख्य उपस्थिति रहेकाे थियो ।
कार्यक्रमका सभापति समेत रहेका कलेजका अध्यक्ष केशव खड्काले नमुना कलेज आज यो स्थानमा आइपुग्नुमा कलेज व्यवस्थापकसँगै शैक्षिक क्षेत्रमा लागेका सबै विद्यालय, शिक्षक, विद्यार्थीहरुको समेत उल्लेख्य भूमिका रहेको बताए ।
