सुनसरी । मंसिर ४ गतेबाट सुरु भएको फिफा विश्वकप फुटबलको क्वाटरफाइनल खेल आजबाट सुरु हुने भएको छ ।
आठवटा समुहमा विभाजन गरिएर समुहका विजेता र उपविजेता विच भएको अन्तिम १६ को खेलबाट विजेता टोली क्वाटरफाइनलमा प्रवेश गरेका छन् । सोही अन्तिम ८ टोलीमा पाँच पटकसम्म उपाधी विजेता ब्राजिल, अर्जेन्टिना, फ्रान्स, पोर्चुगल, घाना, क्रोएसिया, इङ्गल्याण्ड, नेदरल्यान्ड्स रहेका छन् ।
अन्तर्गत आज ब्राजिल र क्रोएसियाबीच प्रतिस्पर्धा हुने भएको छ । खेल नेपाली समयअनुसार राति पौने ९ बजे सुरु हुनेछ । एजुकेसन सिटी स्टेडियममा हुने खेलमा आज दुवै टोली जित निकाल्दै सेमिफाइनल पुग्ने योजनामा रहनेछन् ।
ब्राजिलले राउण्ड अफ १६ मा दक्षिण कोरियालाई हराएको थियो । साविक उपविजेता क्रोएसियाले जापानलाई हराएको थियो ।
यस्तै आजै हुने दोस्रो क्वाटरफाइनल खेलमा अर्जेन्टिना र नेदरल्यान्ड्सबीच प्रतिस्पर्धा हुनेछ । लुसाइल स्टेडियममा हुने अर्जेन्टिना र नेदरल्यान्ड्सबीचको खेल राति १२ः४५ बजे सुरु हुनेछ ।
अर्जेन्टिना र नेदरल्यान्ड्स दुवै टोली जीत निकाल्दै अन्तिम चारमा पुग्ने योजनाका रहेका छन् ।
