सुनसरी । नेपाल विद्यार्थी युनियन जनता बहुमुखि क्याम्पस इकाइ समिति द्वारा आयोजित क्रिकेट NSU T-20 प्रतियोगिता २०७९ को उपाधि विश्व आदर्श कलेज इटहरीले आफ्नो नाम दर्ता गर्न सफल भएको छ ।
तेस्रो पटक आयोजना भएको ल्क्ग् त्(द्दण् प्रतियोगिताको सेमिफाइनलमा पुर्वाञ्चल इन्जिनियरिङ्ग क्याम्पस घरानलाई पराजित गर्दै विश्व आदर्श कलेज फाइनलमा प्रवेश गरेको थियो भने अर्को तर्फ कस्तुरी कलेज इटहरीलाई पराजित गर्दै जनता बहुमुखि क्याम्पस (रातो) फाइनल प्रवेश गरेको थियो ।
फाइनल खेलमा टस जितेर बलिङ्ग गरेको आयोजक जनता क्याम्पस (रातो)ले २० ओभरको खेलमा विश्व आदर्श कलेजको ९ विकेट झार्दै १५१ रनमा सिमित गर्न सफल रहयो । जसका लागि जनता क्याम्पसका उज्वल श्रेष्ठले सर्वाधिक ४ ह्वीकेट लिए ।
खस्किलो व्याटिङ्ग प्रदर्शन गरेको विश्व आदर्शको लागि भुपाल लुइटेलले अर्धसतक प्रहार गर्दै खेललाई सम्हालेका थिए । १५२ रनको लक्ष्य पछ्याएको आयोजक टोली जनता बहुमुखि क्याम्पस (रातो)ले १८ ओभर खेल्दै १४८ रनमा सिमित रहयो । जसका लागि जनता क्याम्पसका सेमन्त राज रेगमीले ६ छक्का र ४ चौका प्रहार गर्दै सर्वाधिक ५२ रन ल्याए पनि खेललाई जितमा रुपान्तरण गर्न भने सकेनन् । जनता कलेज (रातो)लाई थोरैमा समेटन विश्व आदर्शका भुपाल लुइटेलले सर्वाधिक ४ ह्वीकेट लिन सफल रहे ।
खेलको विजेता विश्व आदर्श कलेजले नगद रु.१० हजार सहित सिल, मेडल र प्रमाणपत्र प्राप्त गर्यो भने उप विजेता बनेको आयोजक जनता बहुमुखि क्याम्पस (रातो)ले नगद रु.६ हजार सहित सिल, मेडल र प्रमाणपत्र प्राप्त गर्यो ।
जसमा प्रतियोगिता भरी सर्वोत्कृष्ट खेल प्रदर्शन गर्न सफल रहेका विश्व आदर्श कलेजका भुपाल लुइटेलले व्यक्तिगत रुपमा सर्वाधिक ५१ रन ल्याउदै ४ विकेट लिदै सर्वोत्कृष्ट खेलाडीको उपाधि प्राप्त गरे भने उक्त प्रतियोगिताको सर्वोत्कृष्ट बलरका रुपमा आयोजक टोली जनता कलेज (रातो) का उज्वल श्रेष्ठले प्राप्त गरे उनले सुरुवात खेल देखि फाइनलसम्ममा कुल १३ विकेट लिएका थिए भने सुरुवाती खेल देखि व्यक्तिगत रुपमा कुल १६४ रन ल्याएर सार्वेत्कृष्ट ब्याटिङ् गरेका आयोजक टोलीका सेमन्त राज रेगमीले सार्वेत्कृष्ट ब्याट्समेन बन्न सफल रहे ।
जनता कलेजको प्राङ्गणमा भएको उक्त प्रतियोगीतामा कुल १० टोलीको सहभागीता रहेको नेविसंघ जनता बहुमुखि क्याम्पस इकाइ सभापति सहदेव काफ्लेले जानकारी दिए ।
