सुनसरी । बराहक्षेत्र वडा नम्बर २ चतरामा जारी चौथो टुबोर्ग बराह गोल्डकप फुटबल प्रतियोगिताको सोमबारको खेलमा रेडहर्स फुटबल क्लब इलामलाई हराउँदै चर्च ब्वाइज विजयी भएको छ । चर्च ब्याइजले २-१ गोल अन्तरले रेडहर्सलाई पराजित गर्दै सेमिफाइनलको यात्रा तय गरेको हो ।
खेलको पहिलो हाफमा चर्च ब्वाइजका रन्जित धिमालले खेलको २३औं मिनेटमा पहिलो गोल गरी खेललाई अग्रता दिलाए । पुर्न चर्च व्याइजका विकास राईले ३६औ. मिनेटमा गोल गरे । यता रेडहर्शका विदेशी खेलाडी माक्सवेलले खेलको दोस्रो हाफ अर्थात खेलको ७६औं मिनेटमा गोल फर्काएका थिए ।
उक्त खेलमा चर्च ब्वाइजका रन्जित धिमाल म्याद अफ द म्याच घोषित भए । उनलाई नगद ५ हजारसहित ट्र्फि प्रदान गरिएको थियो ।
मंगलबारको खेल भने ए.पि.एफ. (सशस्त्र प्रहरी) काठमाडौं र अघल्लिो वर्षको बिजेता एभरेष्ट फुटबल क्लब बराहक्षेत्रबीच हुने आयोजक बराहक्षेत्र फुटबल क्लबका अध्यक्ष चन्द्रबहादुर मगरले बताए ।
आदर्श माबिको खेल मैदानमा कात्तिक ९ सम्म सञ्चालन हुने प्रतियोगिताको बिजयी टिमलाई २ लाख १ हजार, मेडल, ट्रफी र प्रमाणपत्र प्रदान गरिने आयोजक क्लब वराहक्षेत्र फुटवल क्लवले जनाएको छ। यसैरी उपबिजेताले १ लाख १ हजार रुपैयाँ, मेडल, ट्रफी र प्रमाणपत्र प्राप्त गर्नेछ ।
प्रतियोगिताको मुख्य प्रायोजक टुबोर्ग बियर रहेको छ । प्रतियोगितालाई बराहक्षेत्र नगरपालिकाको कार्यालय संयोजक तथा वडा १ र २ को कार्यालय सहसयोयोजक रहेका छन् ।
