सुनसरी । बराहक्षेत्र २ चतरामा जारी चौथो टुबोर्ग बराहह गोल्डकप फुटबल प्रतियोगिताको बुधबार भएको पहिलो सेमिफाइनल खेलमा चर्च ब्वाइज फुटबल म्लब काठमाडौं बिजयी भएको छ । आयोजक बराहक्षेत्र फुटबल क्लबलाई २ ० गोल अन्तरले हराउँदै चर्च ब्वाइज फाइनलमा प्रवेश गरेको हो ।
खेलको छैठौं मिनेटमा चर्च ब्वाइजका अशोक खबासले पहिलो गोल गरे । त्यसै गरी चर्च ब्वाइजकै रिजेन माझीले गरेको अर्को गोल निर्णायक बन्यो । उक्त प्रतियोगितामा चर्च ब्यइज का असोक खवास म्याद अफ द म्याच समेत घोषित भए । उनले नगद ५ हजारसहित ट्र्फि प्राप्त गरे ।
बिहीबार हुने अन्तिम सेमिफाइनल खेल गत वर्षको बिजेता एभरेष्ट फुटबल क्लब बराहक्षेत्र र धनकुटा फुटबल क्लब बीच हुने आयोजक क्लबका अध्यक्ष चन्द्रबहादुर मगरले बताए ।
आदर्श माबिको खेल मैदानमा कात्तिक ९ सम्म सञ्चालन हुने प्रतियोगिताको बिजयी टिमलाई २ लाख १ हजार, मेडल, ट्रफी र प्रमाणपत्र प्रदान गरिने आयोजक क्लबले जनाएको छ। यसैगरी उपबिजेताले १ लाख १ हजार रुपैयाँ, मेडल, ट्रफी र प्रमाणपत्र प्राप्त गर्नेछ ।
प्रतियोगिताको मुख्य प्रायोजक टुबोर्ग बियर रहेको छ । प्रतियोगितालाई बराहक्षेत्र नगरपालिकाको कार्यालय संयोजक तथा वडा १ र २ को कार्यालय सहसयोयोजक रहेका छन् ।
