सुनसरी । बराहक्षेत्र प्याब्सन नगर कार्य समितिले चौथो बराहक्षेत्र प्याब्सन अन्तर बिद्यालय फुटबल प्रतियोगिता कात्तिक २२ देखि आयोजना गर्ने भएको छ । बराहक्षेत्र ३ नडाहामा रहेको एभरेष्ट फुटबल क्लबको खेलमैदानमा आयोजना हुने प्रतियोगिता ३० कात्तिकसम्म सञ्चालन हुने छ ।
बराहक्षेत्र प्याब्सनले वार्षीक रूपमा गर्दै आएको यस प्रतियोगितामा यस संस्थामा आबद्ध निजि बिद्यालयहरुले सहभागिता जनाउने खेलकुद संयोजक शरण कुमार लिम्बूले बताए । उनका अनुसार बराहक्षेत्र प्याब्सनमा आबद्ध २६ वटा आधारभूत र माद्यामिक बिद्यालय भए पनि उक्त प्रतियोगितामा माध्यमिक तर्फ १२ र आधारभुत तर्फ ५ वटा बिद्यालय सहभागी हुने छन् ।
जसमा माद्यामिकतर्फ सनसाइन इङ्गलिस स्कुल, भरौल बाल मन्दिर, स्काई इङ्गलिस स्कुल, बराह राईजिङ्ग स्टार इङ्गलिस स्कुल, सुनसरी गार्डेन एकेडेमी, राजाबास इङ्गलिस स्कुल, जय सप्तकोसी इङ्गलिस स्कुल, सिद्धार्थ मेमोरियल इङ्गलिस स्कुल, मुन बिम एकेडेमी, डिभाइन लाइट एकेडेमी, जीवन ज्योति इङ्गलिस स्कुल र माउन्ट भ्यु इङ्गलिस स्कुल रहेका छन् । त्यसै गरी आधारभुततर्फ आइरिस बराह एकेडेमी, चिल्ड्रेन हार्ट एकेडेमी, सप्तकोसी बिद्या मन्दिर, पिसिपुल इङ्गलिस स्कुल र सुनसरी स्टार एकेडेमी सहभागी हुने बराहक्षेत्र प्याब्सन अध्यक्ष कृष्ण तामाङले बताए ।
उक्त प्रतियोगितामा एभरेष्ट फुटबल क्लबले सहकार्य गर्नेछ । प्रतियोगितामा प्रथम हुने टिम(विद्यालय)ले नगद १५ हजार, ट्रफी, मेडल तथा प्रमाणपत्र प्राप्त गर्नेछ । त्यसैगरी दोस्रो हुनेले १० हजार रुपैयाँ, मेडल तथा प्रमाणपत्र प्राप्त गर्नेछ । त्यस्तै आधारभुततर्फ प्रथम हुने टिम(विद्यालय)ले १५ हजार र दोस्रो हुनेले १० हजार रुपैयाँ साथै ट्रफी, मेडल तथा प्रमाणपत्र पाउनेछन् । खेलको सम्पुर्ण बिधाहरुमा ट्रफी र मेडल प्रदान गर्ने खेल संयोजक लिम्बूले बताए ।
उक्त सप्ताह खेलकुद कार्यक्रममा रडिङ, सर्ट तथा लंग जम्प, छेलो जाबिलिङ लगायतका खेलहरु हुने लिम्बुले जानकारी दिए । बराहक्षेत्र प्याब्सनले २०७३ सालदेखि अन्तर बिद्यालय फुटबल प्रतियोगिता संचालन गरिरहेको छ ।
