सुनसरी । बराहक्षेत्र ३ नडाहामा जारी बराहक्षेत्र प्याब्सन सप्ताह खेलकुद अन्तर्गत आइतबारको खेलमा जय सप्तकोसी इङ्गलिस स्कुल बराहक्षेत्र १० र सुनसरी गार्डेन एकेडेमी बराहक्षेत्र ६ विजयी भएका छन् । एभरेष्ट फुटबल क्लबको खेलमैदानमा जारी अन्तर विद्यालय फुटबल प्रतियोगिताको आइतबार भएको माद्यामिकतर्फको दुवै खेलमा जय सप्तकोसी र सुनसरी गार्डेन विजयी हुँदै दोस्रो चरणमा प्रवेश गरेका छन् ।
पहिलो खेलमा डिभाइन लाइट एकेडेमी बराहक्षेत्र ५ लाई ६-० गोल अन्तरले पराजित गर्दै गत वर्षको बिजेता जय सप्तकोसी इङ्गलिस स्कुल दोस्रो चरणमा पुगेको हो ।
खेलको १५औं मिनेटमा जय सप्तकोसीका मिसेक लिम्बुले गोल गर्दै खेललाई अग्रता दिलाएका थिए । दोस्रो हाफको दोस्रो मिनेटमा जय सप्तकोसीका मनिष राईले गोल गरे । दोस्रो हाफको छैठौं मिनेटमा जय सप्तकोसीका पुजन उराँवले पेनाल्टिमार्फत गोल गरे । दोस्रो हाफको सातौं मिनेटमा जय सप्तकोसीका मिशेक लिम्बूले पुनः गोल गरे भने १०औं मिनेटमा मनिश राईले पुन गोल गरे ।
दोस्रो हाफको १४औं मिनेटमा जय सप्तकोसीका पुजन उराँवले पुनः गोल गरी खेल ६ – ० बनाए । प्रतियोगिताको म्यान अफ दि म्याज जय सप्तकोसीका मनिष राई घोषित भए ।
त्यस्तै दोस्रो खेलमा बराह राइजिङ्ग स्टार इङ्गलिस स्कुल बराहक्षेत्र २ लाई १ – ० गोल अन्तरले पराजित गर्दै सुनसरी गार्डेन दोस्रो चरणमा प्रवेश गरेको हो । पहिलो हाफ गोल रहित भयो भने दोस्रो हाफको आठौं मिनेटमा सुनसरी गार्डेनका अर्कित शाहले गोल गरे । खेल रोमाञ्चक भएपनि शाहको सो गोल नै निर्णायक बन्न पुग्यो ।खेलको म्याच अफ दि म्याच सुनसरी गार्डेनका अर्कित शाह घोषित भए ।
सोमबार माद्यामिक स्तरीय दुई खेल हुने आयोजक बराहक्षेत्र प्याब्सन नगर कार्यसमितिले जनाएको छ । पहिलो खेल भरौल बाल मन्दिर बराहक्षेत्र ३ र जीवन ज्योति इङलिस स्कुल बीच हुनेछ भने दोस्रो खेल स्काइ इङलिस स्कुल बराहक्षेत्र ३ र सिर्द्धार्थ मेमोरियल इङलिस स्कुल बीच हुनेछ ।
प्रतियोगितामा प्रथम हुने (आधारभुत र माद्यामिक) दुवै विधाका विद्यालयलाई नगद १५ हजार रुपैयाँ, २० तोला चादीँकोको सिल, मेडल तथा प्रमाणपत्र र दोस्रो हुनेलाई १० हजार रुपैयाँ, मेडल तथा प्रमाण पत्र प्रदान गरिने बराहक्षेत्र प्याब्सनले जनाएको छ । साथै सम्पुर्ण बिधामा ट्रफी र मेडल प्रदान गर्नृ खेल संयोजक शरण लिम्बूले बताए । खेल ३० गतेसम्म सञ्चालन हुनेछ।
उक्त प्रतियोगितालाई सफल पर्न एभरेष्ट फुटबल क्लबले सहकार्य गरेको छ ।
