सुनसरी । बराहक्षेत्र ३ नडाहामा जारी बराहक्षेत्र प्याब्सन सप्ताह खेलकुद अन्तर्गत बिहीबार भएको दुई सेमिफाइनल खेलमा जय सप्तकोसी इङलिस स्कुल बराहक्षेत्र १० र सिद्धार्थ मेमोरियल इङलिस स्कुल बराहक्षेत्र ५ विजयी भएका छन् ।
एभरेष्ट फुटबल क्लबको खेलमैदानमा जारी अन्तर विद्यालय फुटबल प्रतियोगिताको बिहीबार भएको माद्यामिक तर्फको दुवै खेलमा जय सप्तकोस र सिद्धार्थ मेमोरियल टाइब्रेकरमा विजयी हुँदै फाइनलमा प्रवेश गरेका छन् ।
भरौल बाल मन्दिरलाई ४ – ३ गोल अन्तरले पराजित गर्दै जय सप्तकोसी फाइनलमा प्रवेश गरेको हो । पहिलो खेल गोलरहित भएपछि टाइब्रेकरमा पुगेको थियो । टाइब्रेकरमा जय सप्तकोसीका पुजन उराँव, मिशेक लिम्बु, मनिष राई र सचिन बुढाथोकीले गोल गरे ।
यता भरौल बाल इङलिसको तर्फबाट सन्जय सुवेदी, रितेश लिम्बु र उज्वल बिष्टले गोल गरे । जय सप्तकोसीका गोलरक्षक डोमा बहादुर बस्नेत म्याच अफ द म्याच घोषित भए ।
त्यसैगरी दोस्रो खेलमा सुनसरी गार्डेन एकेडेमी बराहक्षेत्र ६ लाई टाइब्रेकरमा ३ – २ गोल अन्तरले पराजित गर्दै सिद्धार्थ फाइनलमा प्रवेश गरेको हो । खेल २७औं मिनेटमा सुनसरी गार्डेनका सुनाङ्ग राईले पहिलो गोल गर्दै खेललाई अग्रता दिलाएका थिए । पहिलो हाफसम्म १-० गोलको अवस्था रह्यो । दोस्रो हाफको २०औं मिनेटमा सिद्धार्थका अजय चौधरीले हानेको कर्नर प्रहार सिधै गोलमा परिणत भएको थियो । खेलको निर्धारित समयसम्म १ – १ गोल (बराबरी)को अवस्था रह्यो ।
सुनसरी गार्डेनका खेलाडीले पहिलो हाप सम्म खेल आफ्नो कब्जामा लिएपनी दोस्रो हाफमा गोल फर्काउन नसक्दा खेल टाइब्रेकरमा पुगेको थियो । टाइब्रेकरमा सुनसरी गार्डेनका निकेश मगर र समेश विश्वकर्माले गोल गरे । यता सिद्धार्थका तर्फबाट सुरेस राई, अकास कटुवाल र कुमार बस्नेतले गोल गरे । सिद्धार्थका गोलरक्षक अकास कटुवाल म्याच अफ दि म्याच घोषित भए ।
कात्तिक ३० गते गत वर्षको बिजेता समेत रहेको जय सप्तकोसी र सिद्धार्थ मेमोरियल बीच माद्यामिक स्तरको फाइनल खेल हुनेछ । आधारभुत स्तरको भने सप्तकोसी बिद्या मन्दिर बराहक्षेत्र ७ र पिसफुल इङलिस स्कुल बराहक्षेत्र ५ बीच सोही दिन फाइनल खेल हुनेछ ।
प्रतियोगितामा प्रथम हुने (आधारभुत र माद्यामिक) दुवै विधाका विद्यालयलाई नगद १५ हजार रुपैयाँ, २० तोला चादीँकोको सिल, मेडल तथा प्रमाणपत्र र दोस्रो हुनेलाई १० हजार रुपैयाँ, मेडल तथा प्रमाण पत्र प्रदान गरिने बराहक्षेत्र प्याब्सनले जनाएको छ । साथै सम्पुर्ण बिधामा ट्रफी र मेडल प्रदान गर्नृ खेल संयोजक शरण लिम्बूले बताए । खेल ३० गतेसम्म सञ्चालन हुनेछ ।
उक्त प्रतियोगितालाई एभरेष्ट फुटबल क्लबले सहकार्य गरेको छ । विशेष सहयोग बराहक्षेत्र खेलकुद विकास समितिकाे रहेको छ ।