सुनसरी । बराहक्षेत्र नगरपालिका ३ महेन्द्र माद्यामिक विद्यालयको खेलमैदानमा जारी प्रथम न्यु जेनेरेसन च्यालेन्ज कपको सोमबार भएको खेलमा सुर्योदय युथ क्लब बक्लौरी सेमिफाइनल प्रवेश गरेको छ ।
सोमबार भएको खेलमा सुर्योदय युथ क्लब बक्लौरीले न्यु सुनगाभा युथ क्लब सैनिकलाई ३ – २ गोल अन्तरले हराउँदै सेमिफाइनलमा प्रवेश गरेको छ ।
उक्त खेलमा सुर्योदयले खेलको पहिलो हाफमा सुजन लिम्बूले पहिलो गोल गर्दै पहिलो खाता खोलेका थिए । पहिलो हाफ सम्म १ – ० गोल भए थियो ।
दोस्रो हाफको केही मिनेटमै न्यु सुनगाभाका साजन राईले गोल फर्काए । सुर्योदयकै सुजनले पुनः अर्को गोल गरे । अन्तिममा न्यु सुनगाभाका साजन राईले पुनः गोल गर्दै खेल बराबरीमा पुर्याएका थिए ।
खेलको थप ३ मिनेटको समयमा सुर्योदय क्लबका सुजन लिम्बुले एक्लै ३ गोल गर्दै खेल ३ – २ को अन्तरमा न्यु सुनगाभा क्लब सैनिकले हार खेप्नुपरेको थियो ।
।
खेलको म्यान अफ दि म्याच सुर्योदय युथ क्लबका सुजन लिम्बु घोषित भए । सुजन एक्लैले तीन गोल गरेका थिए । उनलाई समाजसेवी युवराज पौडेलले ट्रफी हस्तान्तरण गरेका थिए ।
उक्त खेलमा बराहक्षेत्र नगरपालिका ३ वडा कार्यालयको संयोजन र बराहक्षेत्र नगरपालिकाको कार्यालयको विशेष सहयोगमा सो प्रतियिोगिता सुरु भएको आयोजक समितिका अध्यक्ष अजित राजधामीले बताए ।
प्रतियोगितामा प्रथम हुने टिमले ३० हजार र दोस्रोले २० हजार रुपैयाँ र साथमा दुवैले मेडल र ट्रफी साथै प्रमाणपत्र पाउने क्लबका अध्यक्ष राजधामीले बताए । मंगलबारको खेल भने आयोजक न्यु जेनेरेसन युथ क्लब र यलम्बर फुटबल क्लब धरानबीच हुने आयोजकले जनाएको छ ।
