सुनसरी । बराहक्षेत्र नगरपालिका ३ महेन्द्र माद्यामिक विद्यालयको खेलमैदानमा जारी प्रथम न्यु जेनेरेसन च्यालेन्ज कपको मंगलबार भएको पहिलो सेमिफाइनलखेलमा विजयी हुँदै यलम्बर युथ क्लब धरान फाइनलमा प्रवेश गरेको छ।
यलम्बरले आयोजक क्लब न्यु जेनेरेसन युथ क्लबलाई टाइब्रेकरमा ७ ६ गोल अन्तरले हराउँदै यलम्बर फाइनलमा प्रवेश गरेको हो ।
खेलको पहिलो हाफमा मिलन लिम्बूले पहिलो गोल गर्दै पहिलो खाता खोलेका थिए । दोस्रो हाफको अन्तिम मिनेटमै न्यु जेनेरेसनका दिनेश राईले गोल फर्काएर खेल टाइब्रेकरमा पुगेको थियो ।
टाइब्रेकरमा ७ ६ गोल गर्दैअन्तरले यलम्बर विजयी भएको हो ।
खेलको म्यान अफ दि म्याच यलम्बरका गोलरक्षक जनु सुब्बा घोषित भए । उनलाई बराहक्षेत्र ३ महिला संघगका सभापति भीमा तामाङले ट्रफी हस्तान्तरण गरेका थिए ।
उक्त खेलमा बराहक्षेत्र नगरपालिका ३ वडा कार्यालयको संयोजन र बराहक्षेत्र नगरपालिकाको कार्यालयको विशेष सहयोगमा सो प्रतियोगिता भएको आयोजक समितिका अध्यक्ष अजित राजधामीले बताए
तियोगितामा प्रथम हुने टिमले ३० हजार र दोस्रोले २० हजार रुपैयाँ र साथमा दुवैले मेडल र ट्रफी साथै प्रमाणपत्र पाउने क्लबका अध्यक्ष राजधामीले बताए । बुधबारको अन्तिम सेमिफाइनल खेल भने तरहरा फुटबल क्लब र सुर्योदय फुटबल क्लब बक्लौरीबीच हुने आयोजकले जनाएको छ ।
